Elordada 3 qarasha kúni «Astana Zdorovie - 2016» XIII qazaqstandyq halyqaralyq kórmesi ótedi. Sharaǵa álemniń 19 elinen 150 kompanııa qatysady. Bul týraly Ortalyq kommýnıkasııalar qyzmetinde «QazMedTeh» AQ basqarma tóraǵasy Talǵat Shynykeev málimdedi, dep habarlaıdy Baq.kz.
«Densaýlyq salasyna arnalǵan kórme bıyl ózgeshe formatta uıymdastyrylady. Kórme sheńberinde «Qazaqstandaǵy dárilik zattar men medısınalyq buıymdardyń aınalymy. Zamanaýı betalystar» taqyrybynda halyqaralyq konferensııa ótedi. Bul elimiz úshin óte mańyzdy. Kórmege 19 memleketten 150 kompanııa qatysady. Onyń ishinde Philips, Toshiba jáne General Electric sekildi álemniń alpaýyt kompanııalary bar. Kórme óz jumysyn 3 qarashada bastaıdy», - dedi tóraǵa.