Oblys ortalyǵynda Densaýlyq saqtaý jáne áleýmettik damý mınıstrligi, «Memlekettik áleýmettik saqtandyrý qory» AQ jáne Ońtústik Qazaqstan oblysy ákimdiginiń uıymdastyrýymen «Áleýmettik saqtandyrý: ana men balany qoldaý» taqyrybynda respýblıkalyq semınar ótti. Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa ókilderi men halyqaralyq uıymdardyń sarapshylary, arnaýly oryndardyń mamandary qatysty. Jıyndy Densaýlyq saqtaý jáne áleýmettik damý mınıstri Tamara Dúısenova júrgizip otyrdy.
Semınarda Densaýlyq saqtaý jáne áleýmettik damý vıse-mınıstri Svetlana Jaqypova Úkimettiń demografııalyq damý men áleýmettik saıasat salasyndaǵy júzege asyryp jatqan sharalary týý kórsetkishin ulǵaıtýǵa, ólim-jitim deńgeıin tómendetýge, halyqtyń kútiletin ómir súrý uzaqtyǵyn arttyrýǵa, kóshi-qon kórsetkishin kóterýge jaǵymdy áserin baıandady.
Sonymen birge, Svetlana Jaqypova sońǵy jyldary halyqty áleýmettik qorǵaý júıesiniń kúsheıgenin, elimizdiń áleýmettik-ekonomıkalyq ómirindegi jetekshi baǵyttardyń biri bolǵanyn atap aıtty.
Álemdegi ekonomıkalyq turaqsyzdyqqa qaramastan, Qazaqstanda memlekettiń azamattar aldyndaǵy barlyq áleýmettik mindettemeleri oryndalyp jatyr. Vıse-mınıstr 2002 jyldan bastap týý kórsetkishi ulǵaıǵanyn, alys jáne jaqyn jerden tarıhı Otanyna oralǵan aǵaıyndardyń arqasynda halyqtyń ósimi artqanyn aıtty. Iаǵnı, bıyl jyl basynda halqymyzdyń sany 17 mln 670,9 myń adamǵa jetken. Bıyldan bastap Qazaqstanda densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasy qabyldandy. «Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa jáne ózge de múddeli organdardyń kómegimen Qazaqstan Respýblıkasynyń 2030 jylǵa deıingi otbasylyq jáne genderlik saıasatynyń tujyrymdamasy jasalyp jatyr», dep aıtty Svetlana Jaqypova.
Semınarda áleýmettik salada órkenıetti elderdegi jaqsy tájirıbeler, ana men balany saqtandyrý jáne mektepke deıingi, mekteptegi bilim berý men tárbıeleý jaıy talqylanyp, usynystar aıtyldy.