Qazaqstan Táýelsizdiginiń 25-jyldyǵyna oraı «Nazarbaev ortalyǵynda» Qazaqstan Respýblıkasy Tuńǵysh Prezıdenti qorynyń úzdik qazaqtildi ınternet-saıt syılyǵyn taǵaıyndaý rásimi bolyp ótti, dep habarlaıdy inform.kz.
Baıqaý maqsaty – ınternet júıesindegi úzdik qazaqtildi resýrstardy anyqtaý men nasıhattaýǵa, aqparattyq resýrstar men servısterdiń sany men sapasyn arttyrýǵa, jeli qoldanýshylarynyń qyzyǵýshylyǵyn ulǵaıtýǵa, aqparat keńistiginde qazaq tiliniń qoldanys aıasyn keńeıtýge jáne úzdikterdiń tanymaldylyǵyn kóterýge yqpal etý.
Syılyq quryltaıshysy – Qazaqstan Respýblıkasy Tuńǵysh Prezıdenti - Elbasy Qory. Baıqaý ótkizýdegi seriktesi men uıymdastyrýshy – Memlekettik tildi damytý qory.
Respýblıkanyń barlyq aımaqtarynan 30-dan astam ótinim túsip, memlekettik tilde aqparat taratatyn úkimettik emes, táýelsiz qoǵamdyq saıttar qatysty.
Baıqaý komıssııasy 7 atalym boıynsha jeńimpazdardy anyqtady:
«О́tkir til» – qazaq tilin jáne ulttyq qundylyqtardy nasıhattaýshy úzdik saıt atalymy boıynsha www.qazaquni.kz portaly;
«Rýhanı azyq» – qazaq ádebıeti men mádenıetin nasıhattaýshy úzdik saıt atalymy boıynsha www.qasym.kz portaly;
«Tereń izdenis» – qazaq eliniń tarıhyn nasıhattaýshy úzdik saıt atalymy boıynsha www.kazmuseum.kz saıty;
«Shynaıy ómir» - qoǵamdaǵy ózekti máselelerdi talqylaıtyn úzdik saıt atalymy boıynsha www.tobyl-torgai.kz saıty;
«Sport tynysy» – salaýatty ómir salty men sportty nasıhattaýshy úzdik saıt atalymy boıynsha www.dodasport.kz saıty;
«Bilim bulaǵy» – bilim beretin úzdik saıt atalymy boıynsha www.martebe.kz saıty;
«Jastar álemi» – jastar taqyrybyna arnalǵan úzdik saıt atalymy boıynsha www.massaget.kz portaly.
Jeńimpazdarǵa Qazaqstan Respýblıkasy Tuńǵysh Prezıdenti – Elbasy Qorynyń dıplomdary men aqshalaı syılyq tapsyryldy.