Balalyq shaqtaǵy ómir-ózenniń qıly-qıly elesi – qyzýy boıynda áli bar qolamtadaǵy shoqtyń áserindeı. At jalyn tartyp mine bastaǵan shaq. Qattala jınalǵan temeki japyraǵyn istik temirge shanshı qadap tizetin jumys kún batqansha jalǵasatyn. Uzamaı qyzylshaǵa qalaı aýysqanymyzdy alyp-ushqan sana esine saqtaı almaı qalǵannan saý emes. Sabaqtan kelgen boıda tamaǵymyzdy apyl-ǵupyl ishe salyp, qyzylsha alqabyna qaraı empeń qaǵa jóneletinbiz. Erte kóktemnen myń-san syzyq boıymen jypyrlaǵan kóktesindi qarys-qarys aralyqqa sırete otap, balanyń kekiline uqsatyp, jelpildete qyltıtyp qoıamyz. Japyraǵyn jaıyp, túp alyp úlgirmesten jamyrasa qaýlaǵan aram shópti jaýdaı japyrýǵa kirisemiz. Atalarynyń otyryqshylyqqa aýysqanyna shırek ǵasyrǵa tolar-tolmas shamada dıqanshylyq kásipti eshkimnen sorly ıgermegen soǵystan keıingi týǵandardyń beınetti belshesinen keshkenderi kóp jazylyp, jarnamalanyp jatpaıdy. Qyzyl qyrmannyń qyzǵan ýaǵy. Tópeleme úıilgen qyzylshany kesý ústinde ózgeshe baýyrmal ahýal ornaıtyn. Ábdirazaq inisi Erkeshtiń balalyq qyzyqtaryn aıtyp, meıirim uıalaǵan júzderinen kúlki shýaǵy bilinip turatyn. О́zin qazir Almatyda oqymysty deı me, sózderinen áıteýir súısiný lebi qosa esetin. Bizge uqsap temeki tizse, júgeri shaýyp baýlasa, sonyń dárejesine qudaıym buıyrtsa, biz de jetetin shyǵarmyz degen úmit qylań etse bitti, qııal tizginin erkine jiberetinbiz. Bir bel asa qalsań, qarsy aldyńnan shyǵa keletin aýylda Ábdirazaq muǵalim, soǵysta aırylǵan bir aıaǵy protez. Aýyl kisileri Shoıdyń qyzy deıtin Fermahan ápkemiz «Lenınshil jas» gazetine Ábdirazaq týraly maqala jazǵanyn uzynqulaqtan estigen bette o kisige degen erekshe qurmet sezimi paıda bolyp edi.
Bastaýyshty aıaqtap, besinshi synyptyń tabaldyryǵyn attaǵan bette jan-jaqtaǵy aýyldardan qosylǵan kógenkózder qatarymyzdy birtalaıǵa tolyqtyra túsken edi. Ákesi men aǵasynyń esimderine qyzylsha basynda qanyqqan Mámıevterdiń Gúljan degen qyzy da aramyzda. Úsh shaqyrym qashyqtyqtan jaıaý qatynap oqıtyn bularǵa «ortalyqtyń» astam pıǵylymen «Qyzyl ásker» aýylyn óz atymen emes, úlkenderdiń lámimen «ekinshi» deıtinimizdiń ózi qaıbir kisilikke jata qoıady deısiń. Keıbir ustazdardyń sabaq ústinde: «belshemizden sý keship turmyz dep oılasaq, shylqyldaǵan qan eken» degeni kókeıge óshpesteı jazylyp qalý sebebi jetkilikti. Dál osylaı beınelep jetkizýdiń arqasynda búkil erlik sol kisiniń ózine tıesilideı kórinetin. Soǵys týrasynda óristegen sóz ústinde azyn-shoǵyn ǵana toqtalyp, qalǵan ýaqytta jumǵan aýzyn ashpaıtyn kisiler qarasynyń qatary da birtalaı. Jaralanyp, jaý qolyna túsip, qapysyn taýyp qashyp shyǵyp,qatarǵa iligýden bylaıǵy basqa túsken shyrǵalańy bir túıege júk bolatyndaı hıkaıa. Shanshylǵan qazyqtaı tip-tik turyp, dik-dik basatyn aǵash aıaqtar, júgi aýǵan túıedeı bir jaǵyna óne boıy qısaıyp júretin sholaq qoldar, bir shekesin jalap áketip opyraıyp qalǵan mańdaılar, qarashyq ornyna jansyz oqyraıǵan tas kózder biz dúnıege kelerden sál ǵana buryn soǵystyń taıǵa basqan tańbadaı aıaýsyz salǵan qatal sýretteri edi. О́zderin kembaǵal sanaýǵa aǵaıyn arasyndaǵy tabashyl qııanatqa toly qańqý sózder de ıtermeleı turmaıtyn. Tórt múshesi túgel qaıtqan keıbireýlerdiń ózderinshe jasaǵan kesimderi sottyń úkimindeı birbetkeı estiletin. Múgedek oralǵan jandardyń bolmysyna ózgelerden góri perzentteri azap-mehnattyń qııamet-qaıymyn qaıyspaı kóteristi.
О́mirge aralasar aldynda kórgen úlgińe uqsap baǵýǵa jan-tániń qalmaı talpynatynyń belgili. Shyqqan mektebi men kózqaras júıesi qaı taraptan qalyptasqanyn aıyryp tanýǵa óreń bolsa da joq. Almaty ınternatynda oqyp, joǵary oqý ornyn bitirgen jerlesimiz Josparlaý komıtetiniń bas esepshisine deıin kóterilgen Tóleýhan Smaǵulovtyń mansabynan artyq dáreje joqtaı kórinetin. Keńes Odaǵy tusynda bes qurylyqty túgel aralaǵan daqpyrtynyń ózi nege turady. Al onyń týǵan inisi Álimqan Smaǵulov Sıdorkınmen teńdes talantty sýretshi edi. Ata-babamyzdyń tasqa qashap salǵan beder nusqasynan aýmaıtyn qoltańbasy shejiredeı kóne de kórnekti. «Aqsaýyt» kitabyn bezendirý ereksheligi talaı urpaqtyń at basyn arnaıy buryp kelip zertteıtin nysany. Ábdirazaq Mámıevti aýzynan tastamaı aıtatyn kisilerdiń biri sol Tóleýhan aǵamyz. «Asa qatal kisi edi, biraq ádiletti bolatyn jaryqtyq» deıdi qysqa qaıyryp. Aqkóńil jaratylys ıesiniń baǵasy qansha ılandyrsa da, tez syr berip qoıatyn elpelek kisiniń adamtaný yńǵaıy kóńil kúıine qaraı ózgerip turatyndaı kórinetin. Esesine inisi Álimqan baıyppen sóılep, neni bolsyn naqty aıtqanda salǵan sýretindeı aıshyqty shyǵatyn. Balalyq shaqtyń qaı shamasy ekenin dál qazir anyqtap aıyrý qıyn, áıteýir kimniń kim ekenin túısik arqyly ajyrata alatyndaı aqyl toqtatqan shaq edi. Mine, tap sol kezde Ábdirazaq aqsaqaldy syrtynan uzaq baqylap, biraz aralyqqa deıin kózińmen uzatyp salǵanyń esińe túsedi. Adamdy jylqy arqyly tústeıtin qazaq daǵysy boıynsha sıpattaǵanda – kádigimgi sulý tory at. Tup-týra uly Jomarttan aýmaǵan keskin. Bet ushtary tep-tegis, óńmenge shanshyla qadalatyn qońyr kóziniń ýyt ınesi shym-shym sezilse de, qutyńdy qashyra qoımaıtyn sharasy tunyq ta meırimdi. Biligi asqan mamandardyń ózderi tap basyp tanı almaıtyn jaıdy bir aýyz sózben tujyrsa da, ony ǵylymı aınalymǵa qosyp áýrege túsip jatpaıdy. Ábdirazaq aqsaqal týrasynda: «aǵash aıaǵyn alǵa sozyp umsynbaıdy» degen baǵa dáldigi kókeıińe birden qonaqtaı qap, ol kisiniń qıǵylyq salýǵa beıim qatarynyń keıipteri kóz aldyńnan kóleń qaǵyp ótedi. Ábdirazaq ustaz tabıǵı sabyrynan áste jańylmaıtyn. Ýaqyt tańbasy túsken júzin uzaqtaý kidirtip, ómir mánine boılap úlgirgen mezette janaryna maǵynaly muń qabat uıalaıtyn.
Besinshi synyptan bastap birge oqyp, bir partada otyrǵan Gúljan artyq-aýys sózderge úıirligi múlde joq, sybystar men dybystarǵa eleń qaǵyp, deleńdep, tynyshyn qashyryp, berekesin ushyrmaıtyn. El qatarly oqyp, tirshilik arnasyn taptyq-aý degende – Gúljan jóninde órbigen áńgime ústinde - aramyzdaǵy taldaý men tolǵaýǵa beıim turatyn sabazymyz kútpegen jerden aıdy aspannan bir-aq shyǵarǵany. «Sol Gúljan osy otyrǵan bireýmizge jap-jaqsy jar bolatynyn baıqamaǵanymyzdy aıtpaısyńdar ma» – degende birazymyz ún qatpaǵan kúıi tym-tyrys qaldyq. Adamdy qadirine jetip taný joly shyrǵalań ba, álgi sabazyń mańdaıǵa jazǵannan artyq buıyrmaıtynyna moıyn sundy ma, ómirdiń óri men yldıyn áıteýir ótkerip baryp, taýǵa da, tasqa da soǵylǵannan keıin qaýashaǵyna laıyq jasaǵan sheshimi solaı bolǵan shyǵar, kim bilsin. Gúljan jalpy kózge túsip, erekshelenip turýdan aýyly alys, kıkiljińdi jaǵdaıda kózderin keń asha qabaǵyn shytynatyn sáti balalyqtan áli arylyp úlgirmegen minez belgisine keletin. Sopaqtaý júzinen renish taby molynan bilinip, birqydyrý tomsarýly qalpynan tanbaı túıile qarap, kenetten jaıdary qalypqa kóshe qoısa rııasyz baýyrmal tarta qalatyn. Úlken bas qosý ústinde Gúljan kúıeýi Dúısebaıdyń: «Kez-kelgen sabaqta senderdiń Naǵashybekteriń óleń jazyp otyra beredi eken ǵoı» degenin shatasqanǵa joryr-jorymasymyzdy bilmeı ańyrǵanymyz ras. Eń quryǵanda bir artyqshylyqty kórneý elemegen erensizdigi taban aqy, mańdaı termen jıǵanymnan aırylǵandaı halimdi sezse de ustamdy qalpynan tanbaǵan Gúljan: – Ol Jumabaı bolatyn,- dep qysqa ǵana qaıyrdy. Qansha ólermendikpen berilseń de óner sıqyryn ıgerý qý mańdaıǵa jazylmaǵanyn sezesiń de, amalsyz ishińnen tynasyń. Áıtpese óleń jazý áýesqoılyǵynda turǵan túk te joq. Bir partada otyrǵan syrdeski jannyń shala búlinbeı til qatqanynyń ózi ustaz uıasynan shyqqan tárbıe ushtyǵyn ańǵartatyndaı.
Ábdirazaq Mámı otaǵasymen betpe-bet kelip, naqpa-naq til qatysý buıyrmasa da, Turar sheshemizben dámdes-tuzdas bolýdyń arqa-jarqa ahýaly oıyńnan sirá, keter me. Qus tóresindeı eńsegeı tip-tik otyratyn jaryqtyq nazaryn enjar tastaǵandaı kórinse de, qońyrqaı shyraǵyna úıirilgen ushqyn ýyty óńmenge jazataıym qadalǵan ınedeı ótkir. Ulǵaıyp qajyǵanyna qaramaı bolymsyz jymıǵan mezetinde aqquba sopaq keskinindegi marǵaýlyq dereý seıile qap, kópten izdep tappaı júrgen meıirimdi ushyratqandaı serpilip, ózińdi erkin ustaı bastaıtyn ediń.. Ekinshi uly Erjan qapyda qaza taýyp, búkil aýyl bolyp jóneltýdiń qamyna qaýyrt kirisip jatqanda – qabyrǵaǵa arqasyn bere jaıǵasqan shesheıdiń qarttyq tereń dendegen júzi shúberekteı bop-boz. Sabyrǵa júgingen pishini kóńil aıtýlardy qabyldaý ústinde susty da jumbaq. Bezek qaǵa zyr qaǵyp júrgenderge beıilsizdeý qadalyp, kókeıine irikken oıyn sanasymen tarazylap alatyndaı janaryn bastapqy nysanynan uzaq aıyrmady. Alasy úlken kózderin tóńkere tastaǵanda qaratory óńi narazy kúreńitetindeı kidirip baryp, momaqan raıda myrs etip kúlip jiberetin Erjan baq, dáýlet, dáreje bitkendi esepke alyp, dostyqty soǵan qaraı qurý degende sharýasy joq edi. Aınala tóńiregindegi úlken-kishini ah urǵyzyp, aýyr kúsindire qabyrǵasyn qaıystyrǵan ólim ústinde syr berip qoıatyn jaılar da kezigip qalatyny belgili. «Qaıǵyrý men joqtaýdyń jóni osy eken dep shajyldap-bajyldap eldiń qutyn qashyrmańdar» degen Turar sheshemizdiń ókimin qyzdary men kelinderi buljytpaı oryndaǵany jónindegi lepesterdi keıinnen estigende – «Abaı joly» epopeıasynyń ulttyq qunarǵa toly bólimi men taraýlary spıral sıpatyna kóshken boıy tirilip kelip, Uljan keıipker kóz aldymyzda Turarǵa aınalyp júre bergendeı.
Jigerli de sergek haraketine saı kózdegen maqsatyna adam bitken jetpeı qoımaıtyndaı. О́mirdiń ortań belindegi seziniste bizdiń bala kezimizdegi shaldarsha aıtqanda, aqyldyń tolymyna júginbeske amalyń da joq. Gúlnár beınesi kóz aldyńa kele qalsa bitti, adamı tutastyqty tal boıyna syıdyra alǵanyna sener-senbesińdi bilmeı tańyrqaısyń. Torqaly toı men topyraqty ólim ústinde ushyrasyp, apyl-ǵupyl til qatysyp úlgerip, san tarapqa tartyp ketetin qarbalas shaqtardyń bárinde Gúlnár yńǵaı aýyldyń ıbaly kelini bop ot basy, oshaq qasynan tabylatyn. Kúnderdiń kúninde ustazdyq qyzmettiń jumysbasty naýqany bastalyp, bir kórinip ketýge ǵana sholasy keletindi shyǵarǵan Gúlnárdiń bálsinip, tálpishtený degennen túk joq jaratylysynyń qadiri kenetten arta jóneledi dep oılamappyz da. Qaladan aýylǵa kelgen saıyn shańyraǵyna bir bas suǵyp ketpesek, kóńilimiz kónshimeı ańsap turatynǵa aınaldyq. Sondaıda bolashaq jaryn qapysyz tanyǵan Serikke razy bolmaǵanda qaıtesiń. Alty jyl boıyna birge oqyǵan Gúljan boıynda osy áýlet múshelerine jalpy tán sabyr men salmaq bola tura, unamaǵan jaǵdaıda qandaı ortada bolsyn ashyqtan-ashyq qabaǵyn shytyp, birden kesip aıtyp tastaýdan taıynbaıdy.
Kóp jyldardy ótkerip baryp arttaǵyǵa kóz salǵan kezde shart ketip, mort synatyn jaǵdaıatty jaǵymdy minezimen jumsartyp, jaıma-shýaq halge dereý ulastyryp, jarastyrmaı tynbaıtyn artyqshylyqtar kóbine kıno men kitaptan ushyrasatyndaı kórinse de, áldeqashan súıegi qýraǵan árýaq ájelerdiń aqynjandy romantıkaǵa toly erekshelikteri Gúljannyń boıynan molynan kezdesetin. Neshe qıly noıys ta bitispes birbetkeı ústem áreketterdiń barysynda Gúlnár áıeldik kóz jasyna erik berip, osaldyq tanytqan emes. Boıyn qansha ashý bılese de, ótkergen oqıǵany aptyǵyp, apshysyn qýyrmastan baısaldy da baıypty baıandaıtyn. Adam janyn túsiný aqyretinde bolmys keńdigin baıqatý basqadan góri áıel balasyna qıyn tıetin shyǵar, bálkim. Gúlnár qudaı jaratqandaǵy qalyptan bir ózgerip kórgen emes. Qylt etpeden kisiniń kóńilin tapqysh ám juǵymtal da jelpeń ortanyń erkelikterin jekelegen úzikter arqyly ózinshe keıiptep ap, syqylyqtap turyp raqattana kúletin edi jaryqtyq.
Gúlnárdi jer qoınyna tapsyrý ústinde kópshilik ishinen sýyrylyp shyqqan jigit usqynyma zer salyp qaramastan kezektegi sharany ústemeletip aıtyp, nyǵyrlaı túskeni. Adam ishteı egilgende ózine-ózi ıe bola almaı syrtqa syr ashyp qoıatyn osaldyǵy osyndaıda biline me, jan balasyna sezdirmesten ońashaǵa qaraı bezip jónelgiń keledi eken. Jas keptelgen kóziń ýdaı ashyp, kókiregińdi keýlegen ystyq dem kernegen boıy tyrsıtyp áketip barady. Munsha nasaı topyr arasynan oqystan Qaıratty kózim shalyp qalyp, óz-ózinen júregim shym ete tústi. Tunjyraǵan oısoqty keıpi Gúlnárdan aýmaıtyny sonsha – qarshadaıynan etene tanystyǵy týǵanyńdaı jaqyn tutý sezimi órship, erik bermeı ketetindeı. Jolyqqan saıyn joǵary laýazymyna qaramaı jasy kishilik saltty saqtap, jaıdary amandasqan kezde – timtinip izdeıtiniń baıaǵy pendeshilik oı. Ábdirazaq áýletiniń túgeline tán qońyrqaı janardyń jumsaq aıasynyń sebezgilegen nury dem arasynda tula boıyńa tarap, jaıbaraqat halge kóshirtip úlgirtetini kóp adamnan kezdestire qoımaıtyn qasıet. Qaırat jymıysynyń syrynda dıdar ǵaıyp qýanyshynyń alaýy rııasyz seziletini áýlet ıgiliginiń bir parasy ma deısiń de, «o, qaıran Gúlnár!» dep kókiregiń qarys aıryla aýyr kúrsinesiń. Jaqsy men jaman parqyna at basyn burmastan minez bitkenniń is-áreket ereksheligine úńilip, syry men synyn sıpattaýdyń qas sheberi edi. Qaırat inisi jaıyndaǵy áńgimege sarań baratyndaı kórinetin. «Qaltamyz qaǵylyp, qysylyp otyrǵanymyzdy Qaıratqa qudaı sezdirdi me, jańadan quıylǵan úı irgesine birtalaı aqsha tastap ketti» degendi ekiushty emeýrinmen ásheıin bildiretin de qoıatyn. Elbirep-eljirep, alyp-ushyp asyǵyp-aptyqpaǵan osy minez maqtan-áspetten aýyly alys, baýyrlyq mindetterdi oryndaýdyń buljymas zańy tárizdi. Aınalasyndaǵy úlken-kishi, qurby-qurdas, dos-jaran boılaryndaǵy ózgeshelikti aýlaı qoıyp, tup-týra kóz aldynda turǵandaı tiriltip aıtý qasıeti Gúlnárǵa tikeleı kimnen keldi eken degen oı ara-tura mazalaıtyn. Sonsoń bul erekshelik Samat pen Muhıtta da barlyǵyna kóz jetkizip, qurdas, qurbylyǵynan ba, báribir Gúlnárǵa jete almaıtyn sııaqtanatyn. Baıqampazdyǵyna qazaqy boıaý men saıqymazaǵy qosyla tura qasyndaǵylardy jabyrqatyp jatyrqatý degendi bilmeıtin Gúlnár áńgime aýanyn dereý basqa arnaǵa aýystyryp jiberýge tyryssa, áýlet erkesi Muhıt sóz arqaýyn shyjymdap ustap alyp, ary qaraı jelisi úzilmeı órbýine tamyzyq tastaıdy. Samat ony úrleı túsip, laýlata jandyryp áketip, aınala tóńirekti qyran-topan kúlkige qaryq qylatyn. Gúlnárdan keıin araǵa birneshe jyldy salyp baryp Samat baýyrymyz ketkende ómir ótkinshiligin sharasyz moıyndap, tereń dendep oılaýǵa júrek daýalamaǵan sezim biraz shama sanańda qosanjarlasa turyp alyp edi.
Seksenniń seńgirine shyqqan mereı toıynda aqtarylǵan aqjarylqap tilekterdiń aǵyndy ekpinin sabyrly qabyldaǵan Turar sheshemiz uzaq jyldar sorabyn týra osy aradan sholǵandaı sharaly kózine oı úıirilgenin ańdap edik. Bet ushtarynan bolymsyz bilingen alaý qyzyly razylyǵy men táýbesine uqsap, mólt etken qaraǵynyń tunjyr tereńinen qunarlanǵan ajary nurlana túskendeı.
Ábdirazaq áýletiniń tólbasy Gúlnármen jaqyn-jýyq aralasyp, jan dúnıesine táýir boılaýdyń arqasynda osynaý shańyraqtyń árbir múshesin jarqyn sıpattaýǵa qınalmaısyń da, qysylyp-qymtyrylmaısyń da. Osy aıaýly esimge marqum degendi qosaqtap aıtýǵa biraz jyldy ótkerip baryp, kóndikkenimiz ras. Ákesiniń qas-qabaǵynan góri ajary anasyna kóbirek keletin Gúlnár arqa-jarqa dastarqan basynda úndemegen kúıi áýeli qaqas otyratyn. Bir ýaqyttarda aǵyl-tegil sóıleı jónelgende ántek búırek pishini jazylyp, qońyrqaı janary quımyrlana kúlim qaǵady. Áńgime aýanyna yqylas nıetterge saı minez-qulyqtar ilikken kezde Gúlnár jan dúnıesinde beıne jazbaı-jańylmaı ólsheıtin aspap tetigi bar tárizdi ózgeshe reń alatyn edi. Oǵash ta orashalaq qadamdarǵa sebepker jazǵandardyń áýleki qylyqtaryn kúlkili baıandasa da, kektengen nemese kórneý jaqtyrmaǵan sarynnyń juqanasy da sezilmeıtin. Gúlnár óz kesimin úkim shyǵarýdan aýlaq, dos tutyp aıtýdan jalyqpaıtyn. Jazataıym aýzyna ilikken adam budan bylaı saǵan jaqsy tanystaı kórinetin. Sonyń arqasynda kezdeısoq minezderden ózińshe saqtanyp ta júresiń. Jaǵymdy-jaǵymsyz áser týrasyndaǵy túpkilikti oıyn jarııa qylmaıtyn jumbaqtyǵy da bar edi. Áýlet tutastyǵyn kózdegen Turar anasynyń tujyrymyn sóz arasyna tuzdyqtap qosyp qoıýdan tanbaıtyn. Keıbir jaılardy qaıtalap suraǵan kezde burynnan mazalaǵan nárseniń jaýabyn aıaq astynan keziktirgendeı razy qalypqa tez kóshe qoıatyn. Syrqatqa dýshar bop, dert meńdeı bastaǵan shaqta elpelek qaqqan eljireýik bolmasa da, inisi Qaıratqa beıne anasyndaı meırimin tógetindi shyǵaryp edi. Biz pendeler syrttaı baqylap júrip-aq ishke kirip, tolyq boılaǵandaı sezinetinimiz shyndyqqa qanshalyqty jýyqtaıtynyn kim bilipti. Myńdaǵan jyldardan bermen kóldeneńdegen osynaý saýalǵa tap kelgen taǵdyrlar arqyly jaýap beriletini taǵy da aıan. Mámı áýletinde kirshiksiz taza baýyrmal ahýaldy ornatqan Ábdirazaq aqsaqal da, onyń qasıetti jalaýyn qolynan túsirmeı balalaryna amanattaǵan Turar anamyz. Biraq bári aıtqanǵa ǵana ońaı. Gúlnár minezine keletin kópshil Samat inimiz qaıtys bop, jer qoınyna tapsyrǵannan keıin elge sózin arnaǵan Qaırat bitimi kúıinish surapylyna tótep berip turyp, tolǵaǵan oıy áli kúnge deıin kókeıde.
Kúni keshe ǵana Gúljan dúnıeden ótkende aýyr ahýaldy serpiltý Alla Taǵalanyń erkindegi shara ekenin eriksiz oılaısyń. «Jeteý edik, ólip-ólip úsheýmiz ǵana qaldyq» osy áýlet úlkeniniń aýzynan shyqqanda «kózime jas ber jylaıyn, sabyr ber shydam qylaıynǵa» júgingenin ańdadyq.
Sol kezde ózińdi Turar sheshemiz ben Gúlnár qurbymyzdyń ornynda turǵandaı tebirengen edik. ...Kózkórgenniń aty kózkórgen.
Jumabaı ShAShTAIULY