Búgin elordada Nıkola Tesla atyndaǵy kósheniń ashylý saltanaty ótti. Oǵan Astana qalasynyń ákimi Áset Isekeshev pen Serbııa eliniń Premer-Mınıstri Aleksandr Výchıch qatysty.
«Qazaqstanǵa alǵash ret kelip turmyn jáne alǵashqy saparymnyń aıasynda Serbııa men álem boıynsha tanymal tulǵa - Nıkola Tesla atyndaǵy kósheni ashyp turmyn»,-dedi Serbııanyń premer-mınıstri Aleksandr Výchıch.
Nıkola Tesla fızıka, radıotehnıka, elektrotehnıka sııaqty salalarda eńbegi sińgen ónertapqysh, ǵalym bolǵan, 700-den astam patenttiń avtory. Sondaı-aq, AQSh-taǵy Nıagar sarqyramasyndaǵy alǵashqy sý elektr stansııasynyń qurylysyna eńbek sińirgen.
Al, Astana qalasynyń ákimi Áset Isekeshev Tesla atyndaǵy kósheni asha otyryp, eki el arasyndaǵy yntymaqtastyqtyń nyǵaıa túskenin atap ótti.
Sýretterdi túsirgen Erlan Omarov
"Egemen Qazaqstan"