Astanada 23 qarashaǵa deıin sýyq kún raıy saqtaldy, - dep habarlaıdy egemen.kz Astana ákimdiginiń saıtyna silteme jasap.
Soltústikten jáne soltústik-shyǵystan jetken aýqymdy antısıklonnyń eki kólemdi ortalyǵy bar. Onyń biri Norılskide, ekinshisi Esil ózeniniń aýdanynda ornalasqan.
Eger keshe túnde eń tómengi aýa temperatýrasy -27 gradýs bolsa, búgin túnde eki tarmaqqa tómendep, 29 gradýs aıaz bolady. Aldaǵy eki kúnde aýa temperatýrasy sol deńgeıde saqtalady, dep habarlaıdy Qazgıdromet. Antısıklonmen baılanysty aýa raıy ashyq, jaýyn-shashynsyz bolady.
Sınoptıkterdiń habarlaýynsha, 19 qarashadan bastap taǵy sýyq ornaıdy. Aýa temperatýrasy 3-4 gradýsqa tómendep, mınýs 31-33 gradýsty, al kúndiz -23…-24 gradýsty quraıdy. 23 qarasha kúni ǵana aıazdyń beti qaıtady. Túnde termometr baǵany 23-26 gradýs aıaz, kúndiz -15-ten -18 gradýsty kórsetedi.