BI Group kompanııasy búgin EKSPO kórmesiniń aýmaǵynda qulaǵan konstrýksııaǵa qatysty túsinikteme berdi, dep habarlaıdy QazAqparat.
«2016 jyldyń 16 qarashasy kúni shamamen túski saǵat 13.10 kezinde Astana EXPO-2017 kórmesiniń qurylys jobasynda dekoratıvti kópir konstrýksııasy ishinara qulady. Zardap shekkender men qaza tapqandar joq. Apattyń sebep-saldary anyqtalyp jatyr. Ishki tergeý jumystary bastaldy. Jobanyń bas merdigeri - BI Group holdıngisiniń enshiles kásiporny. Jobanyń jetekshisi Abragım Jakeevtiń aıtýynsha, bul - tek dekoratıvti sıpattaǵy konstrýksııa»,-dep habarlady kompanııanyń baspasóz qyzmeti.
Aıta keteıik, buǵan deıin habarlaǵynymyzdaı, búgin EKSPO qurylysynyń aýmaǵynda konstrýksııa qaq ortasynan bólingen edi.