Bıyl El táýelsizdigi men «Qazaq kóshine» - 25 jyl tolyp otyr. Soǵan oraı "Qamshy" portaly men "Qazaqstan" Ulttyq telearnasy "Kóp jáne Kóshbasshy" atty merekelik konsert uıymdastyrmaq. Bul týraly "Qamshy-aqparat" qoǵamdyq qorynyń dırektory Bilál Qýanysh habarlady.
"1991 jyly 18 qarashada Qazaq KSR Joǵarǵy Keńesiniń sheshimine sáıkes respýblıkanyń Mınıstrler kabıneti “Aýyldyq jerlerde jumys isteýge tilek bildirýshi baıyrǵy ult adamdarynyń basqa respýblıkalardan jáne shet elderden Qazaq KSR-yna kóship kelýi tártibi men sharttary týraly” qaýly qabyldady. Sodan bergi shırek ǵasyr ýaqytta Atajurtqa oralǵan qandastarymyzdyń sany 1 mıllıonnan asty. Bul, árıne, Elbasy Nursultan Ábishulynyń eń jemisti saıasaty desek qatelespeımiz", - dedi B.Qýanysh.
Osy mereıli merekeni elge oralǵan aǵaıyn bıylǵy jyly 18 qarashada Almatydaǵy Stýdentter saraıynda aıryqsha atap ótpek. Bul shara «Qazaq kóshiniń» 25 jylyna tarıhı baǵa berý jáne qarashańyraqqa ýyq bolyp qadalǵan mıllıonnan astam qazaqtyń El men Elbasyna alǵys aıtý keshi bolmaq.
Bir aıtar keterligi, sharaǵa bıletter satylmaıdy. Tek belgilengen tártip boıynsha tegin taratylady.