Shahmattan birneshe dúrkin álem chempıony Jansaıa Ábdimáliktiń Almatydaǵy shahmat akademııasynda «Qazaq gazetteri» jaýapkershiligi shekteýli seriktestigine qarasty «Aqıqat» jýrnalynyń júldesi úshin jýrnalıster arasynda uıymdastyrylǵan shaxmat týrnıri bıyl tórtinshi ret ótkizildi.
Týrnırdiń ashylý saltanatynda sóz sóılegen «Qazaq gazetteri» jaýapkershiligi shekteýli seriktestiginiń bas dırektory, redaktorlar keńesiniń tóraǵasy Jumabek Kenjalın jarysqa qatysýshylarǵa sáttilik tileı otyryp, osy bir asa joǵary deńgeıdegi ıntellektýaldyq oıyndy qoldaýǵa yntaly kásiporyndar men azamattardyń qatary kóbeıýine tilektestik bildirdi. Budan keıin atalǵan akademııa dırektorynyń orynbasary, Jansaıanyń anasy Alma Áshirova, «Aqıqat» jýrnalynyń bas redaktory, aqyn Amanhan Álim sóz sóıledi.
Jarys qorytyndysynda birinshi oryndy «Uıǵyr avazı» gazetiniń menshikti tilshisi Arsılan Alahýnov jeńip aldy. Ekinshi orynǵa jýrnalıst Asqar Bekov kóterilse, úshinshi oryndy Qazaq radıosynyń qyzmetkeri Amangeldi Jolamanov pen «Ana tili» gazetiniń bólim redaktory Nurlan Qumar men Qazaqstan ulttyq arnasynyń qyzmetkeri Talǵat Erýbaev ózara bólisti. Al «Arys» baspasynyń qyzmetkeri Maqsot Izimuly, «Ekonomıka» gazeti redaktorynyń orynbasary Amangeldi Shopan, ardager jýrnalıster Aıan Nysanalın men Mamadııar Jaqyp arnaıy júldege ıe bolyp, alǵys hattarmen marapattaldy.
Raýan QAIDAR,
«Egemen Qazaqstan»