Baspanaly bolý baqyty

Oblys ortalyǵyndaǵy «Saryarqa» shaǵyn aýdanynda taǵy bir jańa úı boı kóterdi. Bul joly jańa páterlerge 132 otbasy ıe boldy. Jarqyrǵan páterdiń  kiltterin tapsyrǵan oblys ákimi Bolat Baqaýov úılerdiń qurylysy aıaqtalǵanyna turǵyndardyń ózderinen beter qýanǵanyn aıtty. О́ıtkeni, «Allıýmınstroı» sha­ǵyn aýdanynyń burynǵy tur­ǵyndary qalada 50-shi jylda­ry salynǵan eki qabatty  áb­den tozyǵy jetken, apatty úılerde turyp, mazalary ketken edi. Soltústiktiń sýyq qysy bas­taldy. Talaı  jyldan beri bul jerge jańa úı turǵyzý máselesi de jıi aıtylyp júrdi. Sodan, osydan úsh-tórt jyl buryn eski úılerdiń ornyna «Saryarqa» atty jańa turǵyn úı kesheniniń jobasy jasaldy. Bul maqsatty isti Úkimet te qoldady. Qazir  turǵyn úı kesheni qurylysy «2020 jyl­­ǵa deıin óńirlerdi damytý» baǵdarlamasy boıynsha qar­qyndy túrde júrgizilýde. Ne­gi­zi bul bastama qazirgi Úki­met basshysy Baqytjan Sa­ǵyn­­taev oblysta ákim bolyp tur­­ǵan kezde qolǵa alynǵany bel­gili. Aspanmen talasa boı kó­te­retin bıik úılerdiń jobalaý jumystaryn júrgizýge, ın­je­nerlik-kommýnıkasııalyq je­liler tartýǵa qarjy da bólindi. Sóıtip, qazir 160-qa jýyq eski, eki qabatty úıler buzylyp, ornyna jańa turǵyn úıler salyna bastady. Bizdiń búgin jazyp oty­rǵanymyz da «Saryarqa» sha­ǵyn aýdanyndaǵy Lomov kó­shesi 156/2 mekenjaıynda tur­ǵyzylǵan 3-shi 12 qabatty bıik úıdiń paıdalanýǵa berilgeni jaı­ynda. Birinshi qabatynda kúz­de oblysqa jasaǵan sapary kezinde Elbasy ózi kórip ta­ny­syp shyqqan  «Balalarǵa ar­nalǵan tehnıkalyq mektep» or­nalasqan. –  Qýanyshymdy sózben jet­ki­zý múmkin emes. Tipti, kúnniń sýy­ǵy da bizge bilinbeıdi qa­zir. Osy eski, qulaıyn dep tur­ǵan  úıde 30 jyl boıy tur­dyq. Armandaǵan jańa páter al­dyq, úıler qandaı bıik, – deı­di Jangeldi Eshimov degen turǵyn. – Jangeldi aıtqandaı, biz de­ eski úıde 2 bólmeli pá­ter­de­ 17 jyl turdyq. Tozǵan, áb­­­­­den mazamyz ketti. Tipti, qor­­­qa­tynbyz, qulap kete me dep.­ En­di,  mine, jańa úıden pá­­ter aldyq. Táý­el­sizdiktiń 25 ­jyldyǵy, El boldyq degen osy­.  Rahmet, Úki­met­ke, El­ba­syna! dedi zeınetker Haýa  Kúz­enbaeva apamyz. Aıtsa aıtqandaı-aq, bul  eski úılerde barlyq qıyn jaǵ­daılarǵa shydap, talaı jyl­dar turyp kelgen 1272 otba­synyń bári de  páterlerge ıe bolady degen sóz. Turǵyndarǵa be­ri­letin baspananyń aýmaǵy es­ki páterlerdiń kólemine sáı­kes bolatyny eskertilgen. Qu­rylys bastalardan buryn, tur­ǵyndar ýaqytsha basqa jerler­ge kóshirilgen-di. Jaqsy is jalǵasyn taýyp jurtty qýa­ny­sh­qa bóleýde. Qala ákimi Nurjan Áshim­be­tovtiń aıtýynsha, bul aý­dan­daǵy qalǵan eski úıler de aldaǵy ýaqytta súrilip, so­dan soń  jańa úıler boı kó­te­redi. Sonymen birge,  «Nur­ly jer» baǵdarlamasy boı­yn­sha jergilikti ákimdik bos jer telimderin úı salýshy kom­­panııalarǵa bere alady. Bı­yl jazda «Saryarqa» tur­ǵyn úı kesheniniń alǵashqy ke­zeńi paıdalanýǵa berilip, ja­ńa páter kiltin 105 otbasy al­dy. Osydan bir aıdaı ǵana bu­ryn Sh.Shókın kóshesinde orna­la­sqan taǵy bir jańa úıden 52 otbasy páter aldy. Oblys ákimi­niń aıtýynsha, jalpy, óńir­degi turǵyndardyń páter alý­ǵa degen qajettiligin azaıtý maqsatynda aldaǵy jyldary óńir ortalyǵynda 22 jańa úı salynady dep josparlanyp otyr eken. «9 úı kesheni osy jyldyń sońyna qaraı paı­dalanýǵa beriledi. Bul – 900 otbasy jańa pátermen qam­ta­ma­syz etiledi degen sóz», – dedi B. Baqaýov. Qazir «Saryarqa» shaǵyn aý­danynda jańa úılerdiń qu­ry­lysy qarqyndy júrip ja­tyr. Jyl sońyna deıin osy aýdanda taǵy da 4 jańa úı turǵyndar enshisine beril­mek­shi. Aýdandaǵy turǵyn úı keshen­deri qurylysy aıaq­tal­ǵan kezde 4 myń otbasy pá­ter­men­ qamtamasyz etiledi. Farıda Byqaı, «Egemen Qazaqstan» Pavlodar Sýretti túsirgen Valerıı Býgaev