Premer-Mınıstrdiń orynbasary – Aýyl sharýashylyǵy mınıstri Asqar Myrzahmetov Italııanyń Inalca Eurasia kompanııasynyń ókilderimen kezdesti, dep habarlady Úkimet basshysynyń baspasóz qyzmeti.
Qazirgi tańda 5 ınstıtýttyq reformany júzege asyrý jónindegi 100 naqty qadamnyń 61-qadamyna sáıkes, «Et óndirisi men óńdeýdi damytý úshin strategııalyq ınvestorlardy tartý» boıynsha mınıstrlik pen Inalca Eurasia kompanııasy (Sremonini Group atynan) arasynda Almaty oblysynda et klasterin qurý ınvestısııalyq jobasyn damytý máselelerin sheshýde birqatar jumys atqarylýda.
Mal bordaqylaý alańdarynyń qýattylyǵy 10 000-nan 20 000-ǵa deıin mal basyn qamtyp, et kombınatynda mal soıý kórsetkishi aptasyna 1500-2000 basty quraıtyn bolady.
Aǵymdaǵy jyldyń qańtar aıynda Inalca Eurasia kompanııasy elimizdiń mal sharýashylyǵy salasyndaǵy iri kásiporyndardyń biri – Aqtóbe oblysyndaǵy «Aktep» JShS-men memorandýmǵa qol qoıdy.
Osy kelisim aıasynda Aqtóbe, Qostanaı, Batys Qazaqstan oblystarynda jalpy qýattylyǵy bir mezgilde 44 myń bas maldy qamtı alatyn bordaqylaý alańdaryn salý úshin tiginen ıntegrasııalanǵan kompanııa qurý, sonymen qatar et kombınatynyń qýatyn 20 myń tonna et jáne et ónimderine deıingi shekke ulǵaıta otyryp jańǵyrtý jumystaryn júrgizý qarastyrylǵan.