Banknot beınesindegi bolashaq bederi

El Táýelsizdiginiń shırek ǵasyrlyq mereıtoıynyń qarsańynda bas qalada ulttyq valıýtamyz aınalymǵa engizilgen kúnniń mán-maǵynasyn aıshyqtaǵan alqaly jıyn ótti. Teńgeniń týǵan kúnine oraı ótken basqosýda Qazaqstan Respýblıkasynyń Ulttyq banki Memleket basshysynyń beınesi bederlengen jańa banknot pen Táýelsizdiktiń 25 jyldyǵyna arnalǵan estelik monetany el nazaryna usyndy.

Dáýirmen teń 25 jyl

15 qarasha – Ulttyq valıýta kúni jáne elimizdegi qarjygerler qaýymynyń kásibı merekesi ekeni belgili. Bıyl osy ataýly merekeler egemendiktiń shırek ǵasyrlyq toıynyń aıasynda atap ótildi. Buǵan deıin habarlaǵanymyzdaı, elor­dadaǵy «Qazaqstan Táýel­sizdi­gine 25 jyl: ulttyq valıýta» degen taqyryppen ótken konfe­ren­sııaǵa Memlekettik hatshy Gúl­shara Ábdiqalyqova, Ulttyq bank tóraǵasy Danııar Aqyshev, Qazaqstan halqy Assambleıasy Tóraǵasynyń orynbasary Eraly Toǵjanov, Parlament depýtattary, tanymal ekonomıst ǵalymdar, qarjygerler qatysqan bolatyn. Jıyn basynda sóz alǵan Mem­lekettik hatshy Gúlshara Ábdiqa­lyqova ulttyq valıýtamyzdyń el taǵ­dyrynda alatyn mań­yzdy orny týraly baıandap, onyń Táýelsizdiktiń basty sımvol­darynyń biri ekenine toqtaldy. – Memlekettik týymyz, Ánura­ny­myz, Eltańbamyzben qatar, Táýelsizdiktiń eń basty belgileriniń biri – Memlekettiń tól valıýtasynyń bolýy. 1993 jyly 15 qarashada Qazaqstannyń óz valıýtasy teńge aınalymǵa engizilip, úlken tarıhı qadam jasaldy. Ol ekonomıka toqyrap, óndirister jabylǵan, tipti qarapaıym adamdardyń jalaqysyna deıin syrtqy faktorlarǵa táýeldi bolǵan asa kúrdeli kezeń edi. Elbasy N.Nazarbaevtyń syndarly saıasatynyń arqasynda elimiz ýaqyt synynan súrinbeı ótti. Al tól teńgemiz Táýelsizdiktiń aıshyqty sımvoldarynyń birine aınaldy. Halyqtyń kóńiline senim uıalatyp, bolashaqqa nyq qadam basýyna jol ashty. Álemdik daǵdarysqa laıyqty tótep berip, myzǵymas qýatyn dá­lel­dedi, – dedi Memlekettik hatshy. Gúlshara Ábdiqalyqova bıylǵy jyly Ulttyq valıýta kúni el Tá­ý­elsizdiginiń 25 jyldyǵy aıasyn­da atalyp ótilip jatqanyna, osy az ǵana ýaqyt ishinde Tuń­ǵysh Pre­zıdent Nursultan Nazarbaevtyń kósh­basshylyǵymen eli­miz tutas dáýir­men teń joldy baǵyndyrǵanyna nazar aýdar­dy. Shırek ǵasyr ishinde eli­miz­de jahandyq naryqtyń mańyz­dy bóligine aınalǵan zamanaýı ekonomıka qalyptasty. Qazaqstan álemdik qaýymdastyqtaǵy mańyz­dy áripteske aınalyp, sonyń arqasynda elimizge asa zor kólem­de sheteldik ınvestısııalar tartyldy. Memlekettik údemeli ın­dýstrııalyq-ınnovasııalyq da­mý baǵdarlamasy, ekonomıkany ártaraptandyrý, ǵylymı-teh­nıkalyq áleýettiń ar­týy jahan­dyq turaqsyzdyq kezeń­inde myzǵymaıtyn berik qor qalyp­­tastyrýǵa jol ashty. Gúl­shara Ábdi­qalyqova atap kórset­kendeı, búgin­gi tańda elimiz álem­niń 30 ozyq eliniń qataryna qo­sylýǵa senimdi qadam basyp, «Qa­zaqstan-2050» Stra­tegııasynda kórsetilgen mindetterdi júıeli túrde júzege asyryp keledi. «100 naqty qadam» Ult josparynyń aıasynda buryn-sońdy bolmaǵan aýqymdy ınstıtýttyq reformalar júzege asyrylýda, al Mem­leket bas­shy­synyń Jalpyǵa Ortaq Eńbek Qo­ǵamyn qurý týraly ıdeıasy áleý­mettik damýdyń negizine aınaldy. Memlekettik hatshy shırek ǵasyr ishinde elimizde qolǵa alyn­ǵan reformalar memleket pen qoǵam ómiriniń barlyq salalaryn qamtyǵanyn tilge tıek etti. – Osy ýaqyt ishinde el halqy­nyń áleýmettik turmys standarty aı­tar­lyqtaı ósti. Densaýlyq saq­taý, bilim berý, áleýmettik qamsyz­dandyrý salalarynda aýqym­dy reformalar júzege asyryldy. Qazaqstan halyqaralyq qatynas­tardyń bedeldi qatysýshysyna aınaldy. Elimizdiń bastamalary álem­dik qaýymdastyq tarapynan keńinen qoldaý taýyp keledi. Mem­leket basshysynyń «Beıbitshilik. XI ǵasyr» manıfesi Prezıdent Nursultan Nazarbaevtyń ja­han­dyq ıadrolyq qarýsyzdaný men soǵysqa qarsy qozǵalystaǵy kósh­basshylyq tulǵasyn aıqyn­daı­dy. Táýelsizdiktiń 25 jyldyǵy qar­sań­ynda Qazaqstannyń BUU Qaýip­sizdik Keńesiniń turaqty emes múshe­ligine qabyldanýy eli­mizdiń joǵary bedeliniń jáne eli­mizge kórsetilip otyrǵan zor senim­niń belgisi bolyp tabylady, – dep atap ótti ol. Gúlshara Ábdiqalyqova Elbasy N.Nazarbaevtyń jalpy­ul­t­tyq birlik pen kelisim úlgi­si Qazaqstannyń jarqyn jetis­tik­teriniń sheshýshi faktory bolǵa­nyn, oǵan Qazaqstan halqy Assam­bleıasy da aıryqsha yq­pal etkenin jetkizdi. Memlekettik hat­shy aıtyp ótkendeı, búginde ult­tyq valıýta ekonomıkamyzdyń tiregine, berekeli de merekeli tir­shi­ligi­mizdiń kúretamyryna aınalǵan. Sóz sońynda barshany Ult­tyq valıýta kúnimen jáne kele jat­qan el Táýel­sizdiginiń 25 jyldyq mereı­­toıymen quttyqtaǵan Memle­ket­tik hatshy aldaǵy ýaqytta da Qazaq­stan­nyń tolaǵaı tabystary tuǵyrly bola­tynyna senim bildirip, sózin túıin­dedi.  

Baǵa jetpes jádiger

Sóz basynda aıtyp ótkeni­miz­deı, osy alqaly jıynda Ulttyq bank tóraǵasy Danııar Aqyshev Mem­leket basshysynyń beınesi beder­lengen jańa banknot pen Táýel­sizdiktiń 25 jyldyǵyna ar­nal­ǵan estelik monetany barsha­nyń nazaryna usyndy. – Elbasy usynǵan «Máńgilik El» ıdeıasynyń myzǵymas ne­giz­deriniń biri – ulttyq birlik, beıbitshilik já­ne kelisim. Búgin tanystyrylatyn es­telik mone­taǵa osy ıdeıa negiz boldy. Bar­shamyzdyń otanymyz bir, taǵ­dyrymyz bir. Táýelsizdik tarıhy – Memleket basshysynyń tarıhy­men tyǵyz baılanysty. Sol sebep­ti, Ulttyq bank Táýelsizdiktiń 25 jyl­dyǵyna arnalǵan, elimizdiń damýy­na Prezıdenttiń qosqan úlesin beı­neleıtin mereıtoılyq banknotty nazarlaryńyzǵa usy­nady, – dedi ol. Danııar Aqyshev Táýelsizdik jyldaryndaǵy Qazaqstannyń jetken jetistikteri, baǵyndyrǵan bıik­teri Memleket basshysy Nursultan Nazarbaevtyń esimimen ajyramas baılanysta ekenine toqtaldy. Tuń­ǵysh Prezıdenttiń elimizdiń tarıhyndaǵy róli men mańyzyn qara­paıym ómir qundylyqtarymen ólsheý múmkin emes. Ol óz sózinde atap ótkendeı, elimizdiń tarıhı jetis­tikteriniń altyn paraǵy bolasha­ǵymyz áli aıqyndala qoımaǵan qıyn kezeńde jazyldy. Sol ýaqyt­ta qabyldanǵan sheshimder tarıhı aý­qymy jaǵynan da, el halqynyń taǵ­dyryna yqpaly boıynsha da bu­ryn-sońdy bolmaǵan baǵa jetpes qundylyqqa ıe ekendigin ýaqyt dáleldedi. – Teńge – elimizdiń qarjylyq táýelsizdiginiń sımvoly. Tól valıýtamyz damýdyń jańa deńgeıine jol ashyp, jańa naryqtyq ekono­­mı­­kanyń qurylymdaryn qalyp­tas­tyrýdy qamtamasyz ete aldy. Tól va­lıýtamyz ǵana táýel­siz ekonomı­kalyq jáne qarjy-nesıelik saıasat­ty júzege asy­rýymyzǵa, naqty eko­no­mıkalyq egemendikke qol jet­ki­zýi­mizge múm­kindik týǵyzdy, – dedi eli­miz­diń bas bankıri. D.Aqyshev aıtyp ótkendeı, teń­geni jasaý, aınalymǵa engizý óte kúr­deli jaǵdaıda júrgizildi. Mun­daı aýqymdy isti júzege asy­rýǵa qajetti tájirıbe joq, resýrs mar­dymsyz, biliktilik tómen bolatyn. Ondaǵan jyldar boıy ju­mys istep turǵan ekonomıkalyq qaty­­nastar kúıregen kezeń edi. Mańyz­dy sharalar keshenin júzege asyrý qajet boldy. Eski aqshany aıyrbas­tap qana qoımaı, óndiris jappaı quldyraǵan, ınflıasııa beleń al­ǵan kezeńde jańa valıý­tanyń turaqty­lyǵy men aıyr­bastylyǵyn qamta­masyz etý qajettigi týyndady. Bul jumys ońaı bolǵan joq, degenmen ekono­mıkalyq ósimmen birge teńge de nyǵaıa tústi. Osy jumys­tardyń barlyǵyn Qazaqstan Respýb­lı­kasynyń Prezıdenti ózi qadaǵalap, tikeleı atsalysty. – Banknottarǵa portretterdi salý – jańalyq emes. El ómirine eń mań­yz­dy úles qosqan tulǵalardyń beıne­sin ulttyq valıýtaǵa beıneleý – memlekettilik ıdeıasyn kórse­­týdiń barynsha jarqyn, qalyp­ty jáne túsinikti formasy. Nel­son Man­dela, Mustafa Kemal Ata­túrik, Lı Kýan Iý, Ýınston Cher­chıl jáne bas­qa da álemdik  deń­geıdegi kóshbas­shylardyń beınesi óz elderiniń zamanaýı kýpıýralarynda beınelengen, – dedi Ulttyq bank tóraǵasy. El Táýelsizdiginiń 25 jyldyq me­reıtoıyna arnalǵan estelik monetalar men banknot óte shekteýli tırajben shyǵarylmaq. Ulttyq bank tóraǵasy olardyń halyq úshin baǵa jetpes qundy dúnıege aınalatynyna senim bildirdi.

Tarıh pen mádenı muralar toǵysy

Qazaqstan halqy Assambleıasy Tóraǵasynyń orynbasary Eraly Toǵjanov atap kórsetkendeı, Ult­tyq valıýtanyń arqasynda Qa­zaq­­stan­nyń ekonomıkalyq qaýipsiz­digi qam­tamasyz etilip, qarjy­lyq saıa­sat­tyń irgetasy qalandy. Teńge Qa­zaqstan halqyn ózara uıys­tyrý ju­mystaryna tikeleı uıyt­qy boldy. – Ulttyq valıýta dızaınynda halqymyzdyń mádenı jáne tarıhı muralary, bizdiń Táýelsizdigimizdiń barlyq kezeńderi, qoǵamdaǵy áleý­mettik jáne mádenı prosesterdiń negizi kórinis tapty. Alǵashqy serııaly banknottardyń arqasynda búkil álem Abaıdy, Shoqandy, Abylaı handy, Ábilhaıyr handy, Qurmanǵazyny jáne ál-Fara­bıdy tanydy. Sondaı-aq, Qoja Ahmet Iаsaýı kesenesi, Oqjetpes taýy, Ile Alataýy syndy eń kere­met jerlerimizdi bildi. 2006 jylǵy banknottar elimizdiń jańa tarı­hynyń sımvoldary – «Báıterekti», Táýelsizdik monýmentin, «Aqorda» rezı­den­sııasyn jáne basqalaryn kórsetti. Bul Táýelsizdiktiń al­ǵashqy onjyl­dyqtarynyń sımvoly, jas memlekettiń tabystarynyń aıqyn nyshany, halqymyzdyń álemdik deńgeıdegi jetistikterge degen talpynysynyń beınesi, – dedi ol. Eraly Toǵjanovtyń pikirinshe, egemendiktiń tolaǵaı tabysy re­tinde tól teńgemiz úlken ıdeo­­lo­gııalyq ról atqardy. Teńge qazaq­tyń uly tulǵalary men tarı­hyn, tabıǵaty men Táýel­sizdik­tiń tegeý­rindi tabystaryn tanys­tyrdy. Qa­zaqstan hal­qyn qa­zaqtardyń aınalasyna uıystyrý jumystaryna uıyt­qy boldy. Qazaqstan halqy Assam­bleıa­synyń músheleri osyndaı bank­not­ty shyǵarý týraly bir ret emes, birneshe ret usynys jasa­ǵan eken. Al Assambleıa dege­nimiz – bul barlyq 17 mıllıon ha­­lyq. Demek, halyqtyń oıy men nıeti is júzine asty dep sanaýǵa negiz bar. Banknotta Elbasy beı­ne­siniń kórinis tabýy – zańdy qubylys. Sebebi, Táýelsizdiktiń damýy men qalyptasýy Tuńǵysh Pre­zı­dentimiz Nursultan Nazarbaevpen tikeleı baılanysty. Ult­tyq valıýtamyz teńge – Prezı­­den­timizdiń eren eńbegi men kóre­gen saıasatynyń nátıjesi. Osy­laısha, ulttyq valıýta eko­nomıkalyq derbestikke, memleket pen halyq­tyń uıysýyna negiz boldy. – Búgin biz tarıhı sátke kýá bolyp otyrmyz. Táýelsizdikti tu­­ǵyrly etýge tabandy eńbek et­ken Uly Dalanyń ulaǵatty tul­ǵasy, Tuńǵysh Prezıdentimiz Nursultan Ábishuly Nazarbaev beı­nelengen mereıtoılyq banknot shyqqaly jatyr. Bul – ulttyq va­­lıýtamyzdyń tarıhyndaǵy jańa kezeń, el tarıhyndaǵy este qalar sát. Jańa kýpıýra Elbasymyzdyń Táýelsiz Qazaqstannyń damýyna qosqan úlesin aıqyn kórsetip otyr, – dedi Eraly Toǵjanov. Assambleıa Tóraǵasynyń oryn­­basary aıtyp ketkendeı, As­ta­nanyń 10 jyldyq mereıtoıy­nyń qarsańynda ulttyq valıýtamyzda halqymyzdyń tarıhy men bir­liginiń tutastyǵyn kór­se­tetin «Qazaq Eli» monýmenti teń­geniń dı­zaınynda bederlengen bolatyn. Al Táýelsizdiktiń 25 jyldyǵyna oraı Memleket basshysy beınelengen mereıtoılyq banknottyń shyǵarylýy turaqty, myqty jáne barsha álemge syıly memleketti qalyptastyrýdaǵy Elbasynyń eren eńbegine degen halyqtyń aıryqsha syı-qurmetin, súıispenshiligin kórsetedi. Eraly Toǵjanov óz sózinde Ult­tyq valıýta kúninde jańa bank­­­not­tardyń tanystyrylýy Qa­zaq­­stan halqynyń jalpyult­tyq qun­dylyqtar men toptas­qandyq negizindegi ózara birli­gi­niń, ta­týlyǵynyń artýyna jańa­sha serpin beretindigine senim bil­­dirdi. Sondaı-aq, osy oqıǵa qa­zaq­standyqtardyń óz kóshbas­shysynyń tóńiregine toptasýǵa, Otanymyzdyń odan ári damýy men gúldenýine úles qosýǵa degen talpynysyn arttyrýǵa tıis dep sanaıtynyn jetkizdi.  

Kúrdeli kezeńdegi kóregen sheshim

Táýelsizdiktiń 25 jyldyq ta­rıhy týraly sóz qozǵaǵanda ult­tyq valıýta týraly aıtpaı kete al­maımyz. Parlament Senaty tór­aǵasynyń orynbasary Bektas Beknazarov osylaı dep sanaıdy. – Búgin – elimizdiń ekonomıkalyq táýelsizdiginiń týǵan kúni – Ulttyq valıýta kúni. Maǵan deıin sóılegen áriptesterim onyń el ómirindegi alatyn orny, atqarǵan róli týraly jan-jaqty toqtalyp ótti. Iá, ótken júzjyldyqtyń 1990 jyldarynyń basynda Qazaqstan qaıta qurýdy, turaqsyz qarjylyq júıeni bastan ótkerip jatqan ýaqyt shyn mánisinde eń qıyn kezeń boldy. Qazirgi jas býyn onyń bárin kitaptan oqyp bilse, bizder óz kózimizben kórip, basymyzdan keshirdik. 1993 jyldyń qarasha aıynda tól teńgemizdiń aınalymǵa engizilýi bizdiń jas, táýelsiz elimizdiń tarıhı jylnamasyndaǵy eń mańyzdy oqıǵalardyń biri boldy. Ol kezde meniń jubaıym bankte jumys atqaratyn. Sol kúnderi, aqsha aıyrbastaýǵa ázirlik boıynsha jumystar júrip jat­qanda biz ony táýlikter boıy kór­meıtinbiz. Túnge qaraı jumys­tan kelgen jubaıym qaǵazǵa aı­nalǵan eski rýblderdi mıllıard­tap sanaǵanyn aıtatyn, – degen Bektas Beknazarov alǵash qolǵa tıgen teńgeniń ár banknotyna sonshalyqty uqyppen qaraǵa­nyn, ony ustaǵanda tól valıýtamyz úshin keýdesin maqtanysh kernegenin jetkizdi. Odaq qulaǵan­nan keıin kóp uzamaı tól aqsha­myzdy aınalymǵa engizý Prezı­den­timizdiń strategııalyq turǵy­daǵy kóregen sheshimi dep sanaıtynyn aıtty. – Nursultan Nazarbaevtyń bas­shylyǵymen elimiz 25 jyl­dyń ishinde maqsaty asqaq, damyǵan memleketke aınaldy. Halyq­tyń birligi men kelisiminiń, turaq­tylyqtyń arqasynda biz ekono­mıkalyq jáne áleýmettik gúl­denýge qol jetkizdik, – dedi B.Beknazarov. – Bul ońaı bolǵan joq. Táýelsizdik jarııalanǵan kezeń barsha halyq úshin synaǵy kóp qıyn kezeń boldy. Osy kúrdeli ýaqytta biz Prezıdentke senim arttyq. Volterdiń «Bir memleketti qutqarý úshin bir uly adam jetkilikti» degen qanat­ty sózi bar. Qazaqstan úshin dál sondaı adam onyń Tuńǵysh Prezı­denti Nursultan Nazarbaev boldy. Qazaqstannyń Tuńǵysh Prezı­dentiniń teńgeni jasaýdaǵy eren eńbegin barsha jurt jaqsy biledi, – dedi Senat tóraǵasynyń orynbasary. Bektas Beknazarov Memleket basshysy beınesiniń mereıtoılyq banknotta beınelenýi – onyń eren eńbeginiń moıyndalýy jáne ha­lyqtyń sheksiz syı-qurmetiniń bel­gisi dep sanaıtynyn jetkizdi.  

Tarıhı sabaqtastyq

Fılosofııa ǵylymdarynyń dok­tory, akademık Ǵarıfolla Esim Ulttyq bank jańadan tanystyrǵan kýpıýrany sonaý 1993 jyly ja­ryq kórgen alǵashqy banknotpen sabaqtastyryp, ózindik paıymyn ortaǵa saldy. Ǵalymnyń pikirin­she, ulttyq valıýtamyzda ál-Fara­bı babamyzdan bastap, Tuńǵysh Pre­­zıdent Nursultan Nazarbaevqa deıin­gi aralyqtaǵy elimizdiń tarıhy kóri­nis tapty deýge negiz bar. – Memleket basshysy ulttyq valıýtamyzdy engizý týraly sheshim shyǵardy. Biz ony jyly qabyldap, teńgeni jaqsy kórip kettik. Bir teńgelik banknotqa ál-Farabı beınelengen edi. Mine, sol oqıǵaǵa da 20 jyldan astam ýaqyt ótipti. Búgin bizdiń nazarymyzǵa Nursultan Nazarbaev beınelengen banknot usynyldy. Demek, teńge arqyly ál-Farabıden bastap, Tuńǵysh Pre­zıdent Nursultan Nazarbaevqa deıin­gi tarıh kórinis taýyp otyr. Tól teń­gemizdiń tórge ozǵan kúni qutty bolsyn! Teńgemiz tuǵyrly bol­syn! – dedi ǵalym. Ǵ.Esim aıtyp ótkendeı, teńge Qazaqstan Táýelsizdiginiń al­ǵashqy jyldarynan bastap eli­mizdiń eko­nomıkalyq, qarjylyq jáne nesıe­lik júıesi jetilýine ólsheýsiz zor yqpalyn tıgizip keledi. – Aqshaǵa quldyq qatynaspen qaraý sybaılas jemqorlyqqa aparyp soqtyratynyn biz jaq­sy bilemiz. Sol sebepti, óz ıgi­ligimizdi adal eńbegimiz arqy­ly qalyptastyryp, jas memle­ketimizdiń órkendeýine úlesimizdi qosyp kele jatyrmyz. Biz eńbekaqymyzdy teńgemen alamyz. Eger teńge turaqty bolsa, myǵym bolsa, bizdiń ómirimiz de myǵym ári turaqty, – dep sóz qorytty ol. Tanystyrý saltanatynda aı­tylǵandaı, on myńdyq kýpıýrada saq­tar dáýirinen búgingi kúnge deıingi tarıh shoǵyrlanǵan. Qazaq­stan­nyń kartasy elimizdiń kóp ultty hal­qynyń ortaq shańy­raǵy retin­de kórsetilgen. «Qazaq Eli» moný­mentindegi Samuryq qus ótken kún men búginniń sabaq­tastyǵyn beı­ne­leıdi. Mereı­toılyq kýpıýra Elbasy Nursultan Nazarbaevtyń memle­ketimizdiń damýyna sińirgen eren eńbeginiń kórinisin beıne­leýge baǵyttalǵan. 5 myńdyq nomınaldy monetaǵa toqtalar bolsaq, ol 925 synamdy kúmisten jasalypty. Betki jaǵynda «Qazaq Eli» monýmenti, ulttyq kıimdegi ár ult ókilderi beı­nelengen. Kún shapaǵynyń kóri­­nisimen kómkerilgen moneta­nyń salmaǵy 777,5 gramǵa teń. Bul ban­knot pen moneta Qa­­zaq­stan Res­pýblıkasynyń Tuń­­ǵysh Pre­zıdenti kúni – 1 jel­­toq­­sanda shekteýli tırajben aına­­lymǵa shyǵady. Arnur ASQAR, «Egemen Qazaqstan» *** Zaǵıpa BALIEVA, Parlament Májilisiniń depýtaty: – Táýelsizdiktiń 25 jyldyǵy – bizdiń elimiz úshin óte úlken mereke. Álemde óziniń eli, óziniń jeri, týy, ánurany, valıýtasy joq halyqtar az emes. Mine, bizge jańa banknot tanystyrylyp otyr, bul óte eleýli oqıǵa, óıtkeni, Memleket basshysynyń eńbegin, tarıhtaǵy bizdiń Elbasynyń rólin sózben aıtyp jetkizý óte qıyn. Bul halyqtyń óz Kóshbasshysyna degen qurmeti. Ol laıyqty qurmet. Búgin biz jurttyń bárimen dostyq qarym-qatynas ornatqan, 130-dan astam ulttar men ulystar ózara kelisimde ómir súrip jatqan, barlyq konfessııalar men tilder qurmetteletin, 5,5 mıllıonnan astam bala baqytty jaǵdaıda ósip kele jatqan jáne olardyń sany jyl sanap ulǵaıyp otyrǵan táýelsiz órkendegen Qazaqstanda ómir súrip jatyrmyz. Ekonomıkalyq jetistikter eshqandaı talas týdyrmaıdy, ınnovasııalyq revolıýsııa júrip jatyr. Memleket qaryshty qadammen alǵa basýda. Mine, osynyń bárinde Prezıdent Nursultan Nazarbaevtyń atqarǵan qyzmeti orasan zor. Nurtaı SABILIаNOV, Parlament Májilisiniń depýtaty: – 1 jeltoqsan kúni qoldanysqa engiziletin jańa banknotty men jaqsylyq dep qabyldaımyn. О́ıtkeni, jańa banknot elimizdiń Táýelsizdik jyldaryndaǵy tarıhyn, taǵdyryn, qandaı tabystarǵa jetkenin kórsetedi. Sonymen qatar, jańa banknotta Elbasy Nursultan Nazarbaevtyń beınesi kórinis taýyp otyr. Iаǵnı, biz el úshin, elimizdiń damýy úshin, jarqyn bolashaǵy úshin eren eńbek sińirgen adamǵa halqynyń tarapynan laıyqty baǵa berip otyrmyz. Bul – Tuńǵysh Prezıdentke halyq tarapynan kórsetilgen syı-qurmet, shynaıy súıispenshilik dep túsiný kerek. Osy kún Táýelsiz Qazaqstannyń tarıhyndaǵy úlken oqıǵalardyń birine aınalady. Egor KAPPEL, Qazaqstan halqy Assambleıasy depýtattyq korpýsy alqasynyń tóraǵasy: – Ulttyq bank tusaýyn kesken sývenırlik banknot – bul dáýirlik oqıǵa. Ol bizdiń Táýelsizdigimizdiń 25 jyl­dyǵynyń, sondaı-aq, Nursultan Nazarbaevtyń bizdiń egemen respýb­lıkamyzdyń damýyna qosqan orasan zor úlesiniń sımvoldyq kórinisi. Ulttyq valıýta – ol kez kelgen el úshin memlekettiliktiń óte mańyzdy elementi. Prezıdent onyń alǵashqy paıda bolýynyń bastaýynda turǵan adam. Memleket basshysynyń Jarlyǵymen teńge aınalymǵa engizildi – ol tek bizdiń býyn ǵana emes, sonymen birge búkil bolashaq qazaqstandyqtar úshin de baǵa jetpes úles. Biz 1993 jyly eski rýbldi jańa teńgege, óz teńgemizge qalaı aıyrbastaǵanymyzdy umytqan joqpyz. Bizdiń ulttyq valıýtamyz birtindep nyǵaıa otyryp, óz ornyna ıe boldy, ekonomıkanyń damýynda mańyzdy ról atqardy. Teńgeniń dızaıny biz úshin óte qymbat, óıtkeni onda eldiń tarıhy men ózine tán mádenıeti, sondaı-aq, bizdiń jarqyn jáne órkendegen bolashaqqa degen jigerli umtylysymyz kórinis tapqan. Sondyqtan da Ulttyq valıýta kúninde, Táýelsizdiktiń 25 jyldyǵy qarsańynda bizge Tuńǵysh Prezıdent Nursultan Nazarbaev beınelengen jańa banknotty tanystyrýy este qalarlyq eleýli oqıǵa. Bul kýpıýra kóp uzamaı aınalysqa túsedi, eger ol meniń qolyma tıer bolsa, men mindetti túrde ony óz nemerelerime kórsetemin jáne onyń máni men mańyzyn túsindirip beretin bolamyn. Sherzod PÝLATOV, Astana qalalyq ózbek etnomádenı birlestiginiń tóraǵasy: – Endi bir aıǵa jýyq ýaqyttan keıin elimiz Táýelsizdiktiń 25 jyldyǵyn keń kólemde atap ótkeli otyr. Osynaý ulyq mereke qarsańynda Qazaqstannyń Táýelsizdik jyldaryndaǵy tabys­taryn, jańashyl bastamalaryn jarqyrata kórsete bilýimiz kerek. Osy oraıda birinshi kezekte Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń eren eńbegi, óreli qyzmetin erekshe iltıpatpen aıtqanymyz abzal. Sondaı-aq, elimizdi jarqyn bolashaqqa bastap kele jatqan Prezıdentimizge degen halqymyzdyń qurmetine izgi nıetpen qaraǵanymyz jón. О́zderińiz bilesizder, 10 000 teńgelik banknotqa Elbasynyń sýreti basylyp shyqty. Buǵan deıin Qazaqstan halqy Assambleıasynyń sessııalary men túrli deńgeıdegi otyrystarynda birneshe ret Prezıdenttiń sýretin banknottarǵa basý turǵysynda usynystar aıtylǵan edi. Mine, sol izgi nıetimiz júzege asqandaı bolyp otyr. Bul – halyqtyń Elbasyna kórsetken qurmeti. El tutqalarynyń sýreti bederlengen banknottar basqa memleketterde de bar. Mundaı úrdis álemdik tájirıbede kóp kezdesedi. Sondyqtan, óz basym Elbasynyń sýreti bizdiń banknottarda bolǵanyn durys sanaımyn. Sebebi, Prezıdenttiń salıqaly saıasaty arqasynda elimiz turaqtylyq pen ornyqty damýǵa qol jetkizip keledi.