Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraıymdyǵymen Qazaqstan Respýblıkasynyń Prezıdenti janyndaǵy Memlekettik nagradalar jónindegi komıssııanyń otyrysy ótti
Jıyn barysynda memlekettik organdar men qoǵamdyq birlestikterdiń Qazaqstan Respýblıkasynyń memlekettik nagradalarymen marapattaý jónindegi usynystary talqylandy.
Qazaqstan Respýblıkasy Prezıdenti janyndaǵy konsýltatıvtik-keńesshilik organ bolyp tabylatyn komıssııa Qazaqstan Respýblıkasynyń memlekettik nagradalaryn belgileý jáne joıý jónindegi usynystardy, nagrada máseleleri jónindegi zańdar jobalary men basqa da normatıvtik quqyqtyq aktilerdi, memlekettik nagradalarmen marapattaý týraly usynymdardy qarastyrady.
Komıssııa músheleri otyrys qorytyndysy boıynsha marapattaý úshin Memleket basshysynyń qaraýyna usynylatyn kandıdattardy anyqtady.
Memlekettik nagradalardy tapsyrý dástúr boıynsha Táýelsizdik kúni qarsańynda ótkiziledi.