2016 jylǵy 8 shilde Astana qalasy
Netto-tutynýshylardan elektr energııasyn satyp alý-satý qaǵıdalaryn bekitý týraly
«Jańartylatyn energııa kózderin paıdalanýdy qoldaý týraly» Qazaqstan Respýblıkasynyń 2009 jylǵy 4 shildedegi Zańy 9-babynyń 9-tarmaǵyna sáıkes buıyramyn:
1. Qosa berilip otyrǵan netto-tutynýshylardan elektr energııasyn satyp alý-satý qaǵıdalary bekitilsin.
2. Qazaqstan Respýblıkasy Energetıka mınıstrliginiń Jańartylatyn energııa kózderi departamenti Qazaqstan Respýblıkasynyń zańnamasynda belgilengen tártippen:
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi berýdi qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Energetıka mınıstri Q. BOZYMBAEV
Qazaqstan Respýblıkasy Energetıka mınıstriniń 2016 jylǵy 8 shildedegi №309 buıryǵymen bekitilgen
Netto-tutynýshylardan elektr energııasyn satyp alý-satý qaǵıdalary
1-taraý. Jalpy erejeler
1. Osy Netto-tutynýshylardan elektr energııasyn satyp alý-satý qaǵıdalary (budan ári – Qaǵıdalar) «Jańartylatyn energııa kózderin paıdalanýdy qoldaý týraly» Qazaqstan Respýblıkasynyń 2009 jylǵy 4 shildedegi Zańyna sáıkes ázirlendi jáne elektr energııasyn netto-tutynýshylardan satyp alý-satý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) elektr energııasyn netto-tutynýshy (budan ári – netto-tutynýshy) – jańartylatyn energııa kózderiniń aralas qondyrǵylaryn qosa alǵanda, taratýshy elektr jelisine qosylǵan jáne jeliden elektr energııasyn tutyný kólemderi men oǵan jalpy belgilengen qýaty bir júz kılovattqa deıin berý kólemderin bólek esepke alý júıelerimen jabdyqtalǵan, ózine menshik quqyǵymen nemese ózge de zattaı quqyqpen tıesili jańartylatyn energııa kózderin paıdalaný obektisinen elektr energııasyn óziniń tolyq nemese ishinara tutynýyn qamtamasyz etetin jeke nemese zańdy tulǵa;
2) ýákiletti organ - JEK paıdalanýdy qoldaý salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ;
3) JEK paıdalaný obektisi – JEK paıdalana otyryp, elektr jáne (nemese) jylý energııasyn óndirýge arnalǵan tehnıkalyq qurylǵylar jáne JEK paıdalaný obektisin ıgerý úshin tehnologııalyq turǵydan qajetti jáne JEK paıdalaný obektisi menshik ıesiniń balansyndaǵy, olarmen ózara baılanysty qurylystar men ınfraqurylym.
3. Osy Qaǵıdalarda paıdalanylatyn ózge uǵymdar Qazaqstan Respýblıkasynyń zańnamasyna sáıkes qoldanylady.
2-taraý. Netto-tutynýshylardan elektr energııasyn satyp alý-satý tártibi
4. JEK paıdalaný obektilerin elektr jelilerine qosý jáne artyq elektr energııasyn satý úshin netto-tutynýshy kúntizbelik esepti jyl bastalǵanǵa deıin 45 (qyryq bes) kúnnen keshiktirilmeıtin merzimde osy Qaǵıdalardyń qosymshasyna saı nysan boıynsha habarlamany elektr jelilerine qosylatyn energııamen jabdyqtaýshy jáne energııa berýshi uıymdarǵa usynady.
5. Netto-tutynýshy habarlamaǵa mynadaı qujattar men aqparatty:
1) JEK paıdalaný obektisine jáne (nemese) onyń quramyndaǵy bólimderge berilgen sertıfıkattardyń notarıaldyq kýálandyrylǵan kóshirmelerin, sondaı-aq JEK paıdalaný obektisiniń negizgi generasııalaý jabdyǵynyń sıpattamalaryn;
2) JEK paıdalaný obektisin elektr jelilerine qosý shemasynyń kóshirmesin;
3) elektr energııasyn óndirý jóninde aılarǵa bólip jasalǵan boljamdy jyldyq kólemderin qosa tirkeıdi.
6. Elektr energııasyn satyp alý-satý shartyn jasaý úshin netto-tutynýshy energııamen jabdyqtaýshy uıymǵa:
jeke kýáliginiń kóshirmesin (jeke tulǵalar úshin);
quryltaı qujattaryn (zańdy tulǵalar úshin);
energııa berýshi uıymdaǵy metrologııalyq qyzmettiń esepke alý aspabynyń tarıftik kestesi kórsetilgen elektr energııasyn qabyldaý men onyń qaıtarymyna arnalǵan qos baǵyttaǵy esepke alý aspabyn baǵdarlamalaýǵa bergen erkin nysandaǵy anyqtamasynyń kóshirmesin;
banktik derektemelerdi usynady.
7. JEK paıdalaný obektisin (obektilerdi) energııa berýshi uıymnyń elektr jelilerine qosý úshin energııamen jabdyqtaýshy uıym Qazaqstan Respýblıkasynyń azamattyq zańnamasyna sáıkes netto-tutynýshymen elektr energııasyn satyp alý-satý shartyn jasasady.
8. Netto-tutynýshy energııa berýshi uıymnyń elektr jelisine onyń óz jaǵynan shekaralyq bólikke deıin ornalasqan núktesine JEK paıdalaný obektisin elektr jelilerine qosýǵa arnalǵan tehnıkalyq sharttardy alǵannan keıin qosylady.
3-taraý. О́zara esep aıyrysýlar tártibi
9. Netto-tutynýshylar Qazaqstan Respýblıkasynyń elektr energetıkasy týraly zańnamasymen belgilengen elektr energııasyn kommersııalyq esepke alý aspaptaryn ornatý talaptaryn saqtaıdy.
Netto-tutynýshynyń qoldanystaǵy elektr energııasyn kommersııalyq esepke alý aspabyn jeliden elektr energııasyn tutyný kólemderi men oǵan berý kólemderin bólek esepke alý aspabyna aýystyrý qajettiligi jaǵdaıynda energııa berýshi jáne (nemese) energııamen jabdyqtaýshy uıym energııa berýshi uıymnyń transformatorlyq qosalqy stansııalarynda ornatylǵan netto-tutynýshynyń kommersııalyq esepke alý aspabyn aýystyrýdy qosa alǵanda, netto-tutynýshyǵa osyndaı aýystyrýdan bas tartpaıdy. Kommersııalyq esepke alý aspaptaryn satyp alý, ornatý, aýystyrý jáne ony odan ári paıdalaný jónindegi barlyq shyǵyndardy netto-tutynýshy kóteredi.
10. Netto-tutynýshy ózine qyzmet kórsetetin energııamen jabdyqtaýshy uıymǵa onyń qoldanystaǵy tarıfi boıynsha, elektr jelisinen esepti kezeń ishinde ózi tutynǵan elektr energııasynyń kólemine, naq sol kezeń ishinde elektr jelisine ózi bergen kólemdi shegere otyryp, aqy tóleıdi.
Elektr jelisine esepti kezeń ishinde netto-tutynýshy bergen elektr energııasynyń kólemi jeliden naq sol kezeń ishinde ózi tutynǵan elektr energııasynyń kóleminen asyp ketken jaǵdaıda, qyzmet kórsetetin energııamen jabdyqtaýshy uıym netto-tutynýshy bergen elektr energııasy úshin satýǵa arnalǵan óziniń qoldanystaǵy tarıfi boıynsha netto-tutynýshyǵa joǵaryda atalǵan asyp ketý kóleminde aqy tóleıdi.
11. Netto-tutynýshynyń jelige bergen elektr energııasynyń kólemi jeliden naq sol kezeń ishinde ózi tutynǵan elektr energııasynyń kóleminen asyp ketken jaǵdaıda, energııamen jabdyqtaýshy uıym elektr energııasyn kommersııalyq esepke alý aspabynyń (aspaptarynyń) derekterine saı netto-tutynýshydan shot faktýralardy (jeke tulǵalar úshin – shyǵys júkteme qujatyn) jáne netto-tutynýshy men energııamen jabdyqtaýshy uıym arasynda qol qoıylǵan kommersııalyq esepke alý aspaptarynyń kórsetkishterin salystyrý aktisin alǵan kúnnen bastap 30 kúntizbelik kún ishinde aqy tóleıdi.
12. Aqy tóleý qolma-qol aqshasyz esep aıyrysý arqyly júrgiziledi.
Netto-tutynýshylardan elektr energııasyn satyp alý-satý qaǵıdalaryna qosymsha
Nysan
Jańartylatyn energııa kózderin paıdalaný obektilerin elektr jelilerine qosýǵa jáne
elektr energııasynyń artyǵyn satýǵa arnalǵan habarlama
20__ jylǵy «____» ________ № ___
________________________________________________________________________________________
(netto-tutynýshynyń tolyq ataýy, zańdy mekenjaıy nemese turǵylyqty mekenjaıy kórsetiledi)
«Jańartylatyn energııa kózderin paıdalanýdy qoldaý týraly» Qazaqstan Respýblıkasynyń
2009 jylǵy 4 shildedegi Zańyna sáıkes, Sizge _________________________________________________
________________________________________________________________________________________
(energııamen jabdyqtaýshy jáne energııa berýshi uıymdardyń tolyq ataýy kórsetiledi)
jańartylatyn energııa kózderin paıdalaný obektilerin elektr jelilerine qosý jáne elektr
energııasynyń artyǵyn satý týraly habarlaıdy.
Qosa berilgen qujattardyń tizimi: ____________________________________________________________
________________________________________________________________________________________.
________________________________________________________________ _________________
(Basshy nemese ýákiletti adam, tegi, aty, ákesiniń aty (bolǵan jaǵdaıda), qoly, kúni)
M.O. (eger bolsa)
Habarlamany aldy ________________________________________________
(tegi, aty, ákesiniń aty (bolǵan jaǵdaıda), qoly, kúni)
Buıryq Qazaqstan Respýblıkasynyń Ádilet mınıstrliginde 2016 jylǵy 10 tamyzda Normatıvtik quqyqtyq kesimderdi memlekettik tirkeýdiń tizilimine №14101 bolyp engizildi.