Qazaqstan Respýblıkasy Táýelsizdiginiń 25 jyldyǵy qarsańynda Báıdibek aýdanyndaǵy Turaqty eldi mekeninde jańa kópir paıdalanýǵa berildi, dep habarlaıdy aýdan ákimdiginiń baspasóz qyzmeti.
Aýdan ákimi Bahytbek Tanaǵuzov eldi meken turǵyndaryna óziniń izgi tilegin bildirdi. Egemendigimizdi alǵan qysqa ýaqyttyń ishinde elimizdiń bolashaǵy, halyq ıgiligi úshin jurt tamsanyp, ǵıbrat alarlyq talaı ıgi ister bizdiń aýdanda da atqarylyp jatqandyǵyna toqtaldy. Aldaǵy ýaqytta bul eldi mekende jańa jol salyný josparda bar ekenin jáne 2017 jyly jańa mekteptiń qurylysy bastalatynyn atap ótti.
Jańa kópirdiń qurylysy aǵymdaǵy jyldyń tamyz aıynda aýdandyq bıýdjetten qarjylandyrylyp qurylysy bastalǵan bolatyn. Jyl basynda, Qazaqstan Respýblıkasy Táýelsizdiginiń 25 jyldyq merekesi qarsańynda 25 nysan aýdan halyq ıgiligine paıdalanýǵa beriledi dep josparlanǵan. Búgingi nysan jıyrma úshinshisi bolyp tabylady.
Sonymen qatar, «Nur Otan» partııasy aýdandyq fılıaly tóraǵasynyń birinshi orynbasary Tursynáli Dúısenbekov Elbasynyń «Qazaqstan - 2050» strategııalyq baǵdarlamasyna sáıkes halyqtyń turmys jaǵdaıy men áleýmettik nysandardyń qurylys jumystary josparǵa sáıkes iske asyrylyp jatqandyǵyn atap ótti. Osy is-shara aıasynda Turaqty aýylyndaǵy halyqtyń júrip-turýyna qajetti kópir qurylysy paıdalanýǵa berilip, turǵyndar qýanyshymen bólisti. Is-shara sońy mádenıet úıi qyzmetkerleriniń konserttik baǵdarlamasyna ulasty.