Qysqy navıgasııaǵa ótý qarsańynda QAZAQ AIR áýekompanııasy 2016 jyldyń 1 jeltoqsanynan bastap, jańa Astana – Semeı baǵyty boıynsha turaqty reısterdi oryndaıtynyn málim etedi. Bul týraly áýekompanııanyń resmı saıtynda jarııalandy.
Elorda men Shyǵys Qazaqstannyń iri qalasyn ózara baılanystyratyn tikeleı baǵdar zamanaýı Bombardier Q400 NextGen áýelaınerimen seısenbi jáne beısenbi kúnderi oryndalady. Astanadan Semeıge jetkizetin bir jaqty bılettiń quny, jolaýshy men áýejaı terimderin qosa eseptegende, 16 916 teńgeden bastalyp, jol ýaqyty 1 saǵat 25 mınýtty quraıdy.
«Ústimizdegi jyldyń mamyr aıynan bastap Almatydan Shyǵys Qazaqstannyń iri qalalarynyń biri – Semeıge oryndala bastaǵan reıster, endi Semeıden Astanaǵa deıin ármen qaraı ushady. Bul baǵdar jumys babymen nemese demalysqa asyǵys bolǵan Semeı turǵyndary men qonaqtaryn elordamyzǵa tez ári qolaıly jetkizip, onymen qosa túıispeli Astanalyq áýejaıy arqyly ishki jáne sheteldik sapardy jasaýǵa múmkindik beredi», – dep aıta ketti «QAZAQ AIR» AQ kommersııalyq dırektory Adel Daýletbek.
Atalmysh reıstermen qatar, bıylǵy jyldyń 1 jeltoqsanda QAZAQ AIR kompanııasy elimizdiń batys óńirindegi Atyraý men Oral, Aktaý qalalaryn da baılanystyratyra bastaıtynyn aıta ketken jón.