2016 jylǵy 21 jáne 25 qarashada О́ńirlerdi damytýdyń 2020 jylǵa deıingi baǵdarlamasynyń «Qazaqstannyń turǵyn úı qurylys jınaq banki» aksıonerlik qoǵamynyń turǵyn úıi» baǵyty boıynsha qujattar qabyldanady, dep habarlaıdy Astana qalasy ákimdiginiń baspasóz qyzmeti.
О́ńirlerdi damytýdyń 2020 jylǵa deıingi baǵdarlamasyn iske asyrý sheńberinde Astana qalasynyń ákimdigi jáne «Qazaqstannyń turǵyn úı qurylys jınaq banki» aksıonerlik qoǵamy arasynda Astana qalasy, Esil ózeniniń oń jaǵalaýy, № 23- 31, 23-16, 23-17, 23-30, A98 kósheler (jobalyq ataýy), Lot 15 mekenjaıy boıynsha ornalasqan kóp páterli turǵyn úı kesheninen turǵyn úıdiń 1 sharshy metri úshin quny 120 myń teńge bolatyn 125 páterdi satý jónindegi yntymaqtastyq týraly kelisimge qol qoıyldy. Onyń ishinde: aýdany 34,36 sharshy metr bir bólmeli 3 páter; aýdany 57,68 sharshy metrden 60,69 sharshy metrge deıin eki bólmeli 64 páter; aýdany 72,76 sharshy metrden 78,82 sharshy metrge deıin úsh bólmeli 58 páter bar.
Qujattardy qabyldaý 2016 jyldyń 21 jáne 25 qarasha (qosa alǵanda) aralyǵynda e.astana.kz veb-portaly arqyly ótinish berýshiniń elektrondyq sıflyq qoltańbasyn qoldaný arqyly júzege asyrylady.
Portaldyń ashylý ýaqyty 2016 jylǵy 21 qarashada saǵat 9.00-de, jabylý ýaqyty 2016 jylǵy 25 qarashada saǵat 24.00-de. Portaldyq jumys isteý ýaqyty – táýlik boıy.
Baǵdarlamaǵa sáıkes atalǵan baǵytta myna sanattar boıynsha Astana qalasynda kommýnaldyq turǵyn úı qorynan turǵyn úıge muqtajdar esebinde turǵan (kezektegiler) azamattar ǵana qatysa alady:
jetim balalar, ata-anasynyń qamqorlyǵynsyz qalǵan balalar;
halyqtyń áleýmettik jaǵynan álsiz toptary (Uly Otan soǵysynyń múgedekteri men qatysýshylaryna teńestirilgen adamdar; múgedek balalary bar nemese olardy tárbıeleýshi otbasylary; jasyna qaraı zeınetkerler; oralmandar; ekologııalyq zilzalalar; tabıǵı jáne tehnogendi sıpattaǵy tótenshe jaǵdaılar saldarynan turǵyn úıinen aıyrylǵan adamdar; kóp balaly otbasylar; tolyq emes otbasylar);
memlekettik qyzmetkerler, áskerı qyzmetkerler, arnaýly memlekettik organdar qyzmetkerleri, bıýdjettik uıymdardyń qyzmetkerleri.
Baǵdarlama talaptary boıynsha bul baǵytty iske asyrýda turǵyn úıge muqtajdar esebinde myna sanattar boıynsha kezekte turǵan azamattar qatysa almaıdy: Uly Otan soǵysynyń múgedekteri men qatysýshylary; 1 jáne 2-toptaǵy múgedekter; Qazaqstan Respýblıkasynyń Úkimeti bekitetin aýrýlar tizimimen bekitiletin keıbir sozylmaly aýrýlardyń aýyr túrlerimen aýyratyn adamdar; memlekettik nemese qoǵamdyq mindetterin, áskerı qyzmetin oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan (qaıtys bolǵan) adamdardyń otbasylary; jalǵyz turǵyn úıi Qazaqstan Respýblıkasynyń zańnamasynda belgilengen tártippen avarııalyq jaǵdaıda dep tanylǵan azamattar.
Baǵdarlama aıasynda qujattardy qabyldaý merzimi kezinde ótinish bir ret qana berilýi múmkin. Bul rette ótinish tikeleı kommýnaldyq turǵyn úı qorynan turǵyn úıge muqtajdar kezeginde turǵan adamnan ǵana berilýi kerek. Eger ótinish ıesi kezekte turmasa, onda ótinish joqqa shyǵarylady. Portal arqyly ótinish toltyrar aldynda ótinish berý boıynsha nusqaýlyqpen tanysý qajet.
О́tinish berý úshin:
ótinish ıesiniń ESQ kýálandyrylǵan elektrondyq qujat nysanyndaǵy suranysyn;
neke qııý (nekeni buzý) týraly kýáliktiń (2008 jyldyń 1 maýsymyna deıingi), otbasy múshesiniń qaıtys bolýy týraly (2007 jyldyń 13 tamyzyna deıin), balalardyń týý týraly kýálikteriniń (2007 jyldyń 13 tamyzyna deıin) elektrondyq kóshirmesin;
ótinish ıesiniń jumys ornynan anyqtamasynyń elektrondyq kóshirmesin;
ótinish ıesiniń jumys ornynan tabys alatyndyǵyn rastaıtyn anyqtamanyń elektrondyq kóshirmesin usyný qajet.
Memlekettik elektrondyq aqparattyq resýrs bolyp tabylatyn mynadaı qujattar málimetin ótinish berýshi memlekettik organdardyń ýákiletti tulǵasynyń ESQ kýálandyrylǵan elektrondyq qujattar túrinde tıisti memlekettik aqparattyq júıesinen alady:
ótinish ıesi tulǵasyn kýálandyratyn málimet;
neke qııý nemese nekeni buzý týraly (2008 jylǵy 1 maýsymnan keıingi), qaıtys bolýy týraly (2007 jylǵy 13 tamyzdan keıingi), balalardyń týýy týraly (2007 jylǵy 13 tamyzdan keıingi) málimet;
ótinish ıesinde jáne onymen birge turaqty turatyn otbasy múshelerinde Qazaqstan Respýblıkasynyń aýmaǵynda menshik quqyǵynda nemese keıinnen satyp alý quqyǵymen jaldamaly turǵyn úıi bar nemese joq bolýy týraly málimet;
ótinish ıesi jáne onymen birge turaqty turatyn otbasy músheleriniń Astana qalasynda turatyndyǵyn rastaıtyn tirkeý týraly málimet;
otbasy múshelerinde múgedektiń bar bolýyn dáleldeıtin málimet;
Baǵdarlamaǵa qatysýǵa ótinish bergen kezde kezek nómirin kórsetýmen turǵyn úıge muqtajdar kezeginde turǵany jóninde málimet.
Qajet bolǵan jaǵdaıda «Astana qalasynyń Turǵyn úı basqarmasy» memlekettik mekemesiniń (budan ári – Basqarma) qyzmetkerlerimen azamattar qosymsha qujattardy usyný úshin nemese ótinish ıesimen berilgen málimetti anyqtaý úshin shaqyrylýy múmkin.
Otbasy quramy (otbasy músheleriniń sany) ótinish berilgen páter aýdanyna áser etpeıdi, úmitkerler óz qalaýy boıynsha páter túrin kórsetedi.
Qatysýshylar arasyndaǵy aldyn ala irikteý Astana qalasy ákimdiginiń janyndaǵy Turǵyn úı komıssııasymen (budan ári – Komıssııa) turǵyn úıge muqtajdar esebi tizimine jáne sol kezekke turǵan kúnine sáıkes júrgiziledi.
«QTQJB» AQ-men iriktelgen ótinish ıeleriniń tólem qabilettiligin baǵalaýy ótkizilgen soń, Komıssııa Baǵdarlamaǵa qatysýshylardyń naqty tizimin bekitedi, olar Astana qalasy ákimdiginiń jáne Basqarmanyń ınternet-resýrsynda jarııalanady.
Baǵdarlama sheńberinde jeke menshikke Baǵdarlamanyń barlyq baǵyttary jáne Qazaqstan Respýblıkasynyń barlyq óńirleri boıynsha keıinnen satyp alý quqyǵymen 1 ǵana birlik turǵyn úı satyp alýǵa nemese jalǵa alýǵa bolady.