«Astana EKSPO-2017» ulttyq kompanııasy Basqarma Tóraǵasy Ahmetjan Esimov «APCO Worldwide» kompanııasynyń atqarýshy vıse-prezıdenti Don Bonkermen kezdesti.
Basqosý barysynda eki jaq Amerıka Qurama Shtattarynyń halyqaralyq mamandandyrylǵan kórmesinde qatysý máselesin talqylady. Kezdesýde A.Esimov amerıkalyq delegasııa ókilderine «EKSPO-2017» halyqaralyq kórmesine daıyndyq barysynyń sońǵy kezeńi týraly baıandady. «Astana EKSPO-2017» ulttyq kompanııasy» AQ basqarmasynyń tóraǵasy qurylys jumystary kestege sáıkes júrgizilip jatqanyn habarlady, dep jazady expo2017astana.com.
«Fransııa, Germanııa, Qytaı, Túrkııa jáne Vengrııa elderiniń ókilderine pavılondar berilip te qoıdy. Sondaı-aq, qatysýshy memleket qyzmetkerlerine páterler de daıyn. Alda taqyryptyq pavılondar qurylysyn aıaqtaý mindeti tur. AQSh pavılony tapsyrýǵa daıyn», - dedi A.Esimov.
«ARSO» kompanııasy amerıkalyq pavılonnyń ashylýy boıynsha jumystardy atqarý úshin tańdaldy. Bizder barlyq uıymdastyrýshylyq máselelermen, aıtalyq pavılon dızaıny, kontenti, ony ilgeriletý jumystarymen aınalysatyn bolamyz», - dedi Don Bonker.
Búgingi tańda Astana EKSPO-2017 kórmesine qatysýyn 106 memleket rastady, 101 memleket óz komıssarlaryn tańdady, 90 memleket qatysý kelisimshartyna qol qoıdy.
Aıta ketý kerek, halyqaralyq mamandandyrylǵan kórme Astana qalasynda 10 maýsym men 10 jeltoqsan aralyǵynda ótkiziletin bolady.