Prezıdenttiń kómekshisi – Qaýipsizdik Keńesiniń hatshysy Vladımır Jumaqanov 16-17 qarasha kúnderi Máskeýde ótken TMD-ǵa múshe elder Qaýipsizdik keńesteri hatshylarynyń IV kezdesýine qatysty.
Shara barysynda delegasııa basshylary TMD keńistigindegi turaqtylyq pen qaýipsizdikke tónýi yqtımal syn-qaterler aıasyndaǵy óńirlik ózara is-qımyldyń kókeıkesti máselelerin talqylady. Atap aıtqanda, dinı ekstremızmge birlesip qarsy turý, zańsyz mıgrasııamen kúres jáne aqparattyq qaýipsizdikti qamtamasyz etý máseleleri qarastyryldy.
Qazaqstan men Reseı qaýipsizdik keńesteriniń apparattary deńgeıinde dástúrge aınalǵan ekijaqty konsýltasııalar sheńberinde V.Jumaqanov óziniń reseılik áriptesi N.Patrýshevpen kelissóz júrgizdi.
Áskerı-tehnıkalyq salany qosa alǵanda, ekijaqty qarym-qatynastyń keń kólemi boıynsha pikir almasyldy. Qazaqstan men Reseıdiń Kaspıı óńirindegi ózara is-qımyldary máseleleri qarastyryldy. Sondaı-aq, eki memleket qaýipsizdik keńesteri apparattarynyń arasynda 2017-2018 jyldarǵa arnalǵan Yntymaqtastyq josparyna qol qoıyldy.
«Egemen-aqparat»