Qazaqstannyń Grek Respýblıkasyndaǵy elshiligi «Sh.Aımanov atyndaǵy Qazaqfılm» AQ-men birlesip, el Táýelsizdiginiń 25 jyldyǵy men Qazaqstannyń Tuńǵysh Prezıdenti kúnine oraı, Aharne qalasynda «Juldyzdar toǵysqanda» fılminiń kórsetilimin ótkizdi. Grekııa jurtshylyǵy fılmge degen qyzyǵýshylyqtaryn jarnama shyqqan kúnnen bastap tanyta bastaǵan. Fılmniń burynǵy otandastyrymyz – qazaqstandyq grekter kóptep qonystanǵan qalada ótkizilýi sımvolıkalyq mánge ıe. Saltanatty sharaǵa shaqyrylǵan qonaqtar arasynda Grek Respýblıkasynyń qoǵam jáne saıası qaıratkerleri, dıplomatııalyq korpýs, isker jáne mádenıet ókilderi, Aharne qalasynyń basshylyǵy men bizdiń burynǵy otandastarymyz boldy.
Qazaqstan Respýblıkasynyń Tótenshe jáne ókiletti elshisi A.Volkov fılm aldynda sóılegen sózinde «Qazaqstannyń Tuńǵysh Prezıdenti tek óz memleketiniń ǵana emes, Ortalyq Azııanyń Kóshbasshysy, sonymen qatar, ıadrolyq qarýdy taratpaýǵa, qarýsyzdanýǵa qosyp kele jatqan zor úlesi arqyly álem memleketteriniń basshylary men halyqaralyq uıymdar tarapynan moıyndalǵan tulǵa» ekenin aıtty.
Is-shara sońynda qonaqtar fılmnen alǵan jyly áserlerin jasyrmaı, Qazaqstanda qalyptasqan ultaralyq jáne shynaıy dostyq úlgisin esterine alyp, ómirleriniń eń qýanyshty mezetterimen, burynǵy otandaryna degen saǵynyshtarymen bólisti.