Qazaqstan Respýblıkasy Úkimetiniń Qaýlysymen Ramazanov Arman Qaıyrbekuly QR Qorǵanys jáne aeroǵarysh ónerkásibi Vıse-mınıstri bolyp taǵaıyndaldy, dep habarlaıdy QazAqparat.
Arman Ramazanov 1978 jyly 18 aqpan kúni Shyǵys Qazaqstan oblysynyń О́skemen qalasynda dúnıege kelgen. Úsh joǵary bilimi bar. 2000 jyly Shyǵys Qazaqstan memlekettik tehnıkalyq ýnıversıtetin ınjener mamandyǵy boıynsha, 2002 jyly Qazaq memlekettik zań akademııasyn zańger mamandyǵy boıynsha támamdaǵan.
2004 jyldan bastap 2006 jylǵa deıin S. Amanjolov atyndaǵy Shyǵys Qazaqstan memlekettik ýnıversıtetinde qarjy mamandyǵy boıynsha oqyǵan.
2001-2007 jyldar aralyǵynda - Shyǵys Qazaqstan oblys ákimdiginiń qurylymdyq bólimshelerinde túrli laýazymdaryn atqarǵan.
2007 jyldan bastap 2010 jylǵa deıin bıznes qurylymdarda basshylyq laýazymdaryn atqarǵan.
2010-2015 jyldar aralyǵynda - Qazaqstan Respýblıkasy Qorǵanys mınıstrliginiń «Kazahvzryvprom» AQ (qazirgi tańda «Qaztehnologııalar» AQ) Basqarma tóraǵasy.
2015-2016 jyldar aralyǵynda - «Astana» ÁKK» UK» AQ Basqarma Tóraǵasy.
QR Qorǵanys jáne aeroǵarysh ónerkásibi vıse-mınıstri bolyp taǵaıyndalýyna deıin A. Ramazanov Qazaqstan Respýblıkasy Prezıdent Ákimshiliginiń Memlekettik ınspektory laýazymyn atqardy.