Qazaqstan halqy Assambleıasynyń «Úlken el - Úlken otbasy» aýqymdy respýblıkalyq jobasy qazaqstandyq birtektilikti nyǵaıtady jáne azamattyq qoǵam tutastyǵyn qalyptastyrý úshin jaǵdaı jasaıdy, dep málimdedi óńirlik kommýnıkasııa qyzmeti alańynda Jambyl oblysy QHA hatshylyǵynyń meńgerýshisi Marjan Qojaeva.
Spıkerdiń aıtýynsha, Jambyl oblysynda osy jobanyń aıasynda jyl basynan bastap 110-nan astam shara ótkizildi. «Bul sharaǵa 55 myńnan astam adam qatysty. Bul «Úlken El - Úlken Otbasy» zamanaýı qoldanbaly óner kórmesi, «Biz - bolashaǵy birtutas elmiz» etnomádenı birlestik baıqaýy, «Uly dala ańyzy» etnoekspedısııasy, «QHA-2016 jastar» forýmy», - dep atap ótti ol.
«25 ıgi is» aksııasynyń aıasynda óńirde múmkindigi shekteýli balalarǵa arnalǵan qaıyrymdylyq sharasy ótti. QR Táýelsizdiginiń 25-jyldyǵyna arnalǵan «Qaıyrymdylyq kerýeni» oblystyń 4 aýdanyna bardy.
M. Qojaeva Jambyl oblysy Qazaqstan halqy assambleıasy janynda medıasııa kabıneti ashylǵanyn atap ótti. «Tutastaı oblys boıynsha 12 medıasııa kabıneti ashyldy. 63 medıator jumys isteıdi. HQA medıatorlaryna eńbek, azamattyq, otbasylyq daýlarǵa qatysty 219 shaǵym tústi, onyń 165-i sheshildi. QHA qurylymdaryn baılanystyrýshy býyn ǵylymı-maraptamalyq top bolyp tabylady. Onyń usynysymen aýdandarda aqparattyq-túsindirý jumystary júrgiziledi. Esepti kezeńniń 20-dan astam alys aýyldarǵa shyqty», - dedi M. Qojaeva.