Qazaqstan 130 orynnan 94 orynǵa turaqtap, lańkestikke yqpaly tómen degeıdegi topqa kirdi. Lańkestiktiń jahandyq ındeksi týraly esepti Ekonomıka jáne álem ınstıtýty jarııalady.
Esepke sáıkes lańkestikke yqpaly joq elder: Ýrýgvaı, Túrkimenstan, Slovenııa, Soltústik Koreıa, Sıngapýr, Polsha, Kosta Rıka, Kýba, Latvııa, Lıtva Angola, Togo, Slovakııa, Salvador, Serra-Leone, Jańa Gvıneıa, Oman, Namıbııa, Malavı, Mavrıkıı, Mońǵolııa, Gaıtı, Gambııa, Gabon, Botsvana, Benın, Zambııa, Rýmynııa, Svazılend, Shyǵys Tımor, Panama men Gaıana.
Atap ótsek, terrorızm ındeksinde Reseı - 30 orynda, Belarýs Respýblıkasy - 86, Ýkraına - 11, Qyrǵyzstan - 84, О́zbekstan - 117. Lańkestiktiń joǵary qaýpi bar alǵashqy úsh jolda Irak, Aýǵanstan, Nıgerııa tur. Olardan keıin Pákistan, Sırııa, Iemen, Somalı, Úndistan jáne Mysyr bar.
Ekonomıka jáne álem ınstıtýty jyl saıyn álem elderindegi lańkestik belsendilik deńgeıin ólsheıtin keshendi zertteý júrgizedi jáne qaı memleketter jáne qaı aýqymda terrorlyq qaýipke betpe-bet keletinin kórsetedi. Lańkestik ındeksi tórt kórsetkish boıynsha esepteledi: terrorlyq oqıǵalar sany, qaza tapqandar sany, zardap shekkender sany, materıaldyq shyǵyn deńgeıi.