Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti Qazaqstannyń BAQ jýrnalısteri arasynda sport jýrnalısi, pýblısıst jáne qoǵam qaıratkeri Seıdahmet Berdiqulov atyndaǵy jyl saıyn ótetin baıqaýy bastaldy, dep habarlaıdy QazAqparat.
О́tinishter men maqalalar Astana qalasy, Syǵanaq kóshesi, 25 úı, 11 qabat mekenjaıyna, Ulttyq shtattyq komandalar jáne sport rezervi dıreksııasynyń baspasóz qyzmetine («2016 jylǵy S. Berdiqulov atyndaǵy baıqaýǵa» degen belgimen) qabyldanady.
Astana qalasynyń ındeksi - 010000. Qabyldaý merzimi - 2016 jyldyn 10 jeltoqsanyna deıin.
Úmitkerler 2016 jyldaǵy jumystaryn myna taqyryptar boıynsha tapsyra alady:
1. Álem jáne Azııa chempıonattaryna, Álem Kýboktaryna, mártebeli Halyqaralyq jarystarǵa jáne Qazaqstan birinshilikterine arnalǵan jarııalanymdar (ocherkter, maqalalar, taldaý, teletranslıasııalar, telekópirler jáne t.b.)
2. Qazaqstandyq BAQ-ta buqaralyq sportty, balalar men jasóspirimder arasyndaǵy sportty, múgedekter arasyndaǵy jáne ulttyq sport túrlerinen sport oıyndaryn, (Spartakıadalar, týrnırler, Ulttyq sport túrleri festıvali, aýyl sporty, ardagerler Spartakıadasy) t.b. nasıhattaý.
3. Elimizde dene shynyqtyrý jáne Sport salasy boıynsha problemalar kóterý jáne onyń sheshý joldaryn kórsetip berý.
4. 2016 jylǵy Rıo-De-Janeıro qalasynda (Brazılııa) ótken jazǵy Olımpıada jáne Paralımpıada oıyndary turaly nasıhattaý (foto,tele jáne radıo túsirilimder men baǵdarlamalar, ınternet, gazet jáne jýrnaldaǵy maqalalar men ocherkter)
5. 2016 jylda shyqqan Avtorlyq jumystar (kitaptar, sporttyq ensıklopedııalar, t.b.)
6. Úzdik sporttyq fotoreportajadar, fotojumystar.
Baıqaýdyń jeńimpazdary «Seıdahmet Berdiqul atyndaǵy syılyqtyń laýreaty» degen arnaıy tós belgimen marapattalyp, dıplom men aqshalaı syılyqqa ıe bolady.