Bilim jáne ǵylym mınıstrligi úsh jylda 100 mln dollar halyqaralyq grant bólýge nıetti, dep habarlady QazAqparat.
«Halyqaralyq ǵylymı-tehnıkalyq ortalyqtyń ashylýy týraly kelisimdi ratıfıkasııalaý úderisi júrip jatyr. Qazaqstanda Ortalyq-Azııalyq óńirdegi halyqaralyq jobalardy, sondaı-aq qazaqstandyq jobalardy qarjylandyrý boıynsha sheshimder qabyldaýǵa qoljetimdilik bar», - dedi QR táýelsizdiginiń 25 jyldyǵyna arnalǵan forýmda BǴM vıse-mınıstri Aslanbek Ámrın.
Onyń aıtýynsha, bul ortalyq Reseı Federasııasynda bolǵan 20 jylda reseılik tarap jobalarǵa 425 mıllıon dollar aldy.
«Biz úsh jylda ǵylymı jobalar úshin 100 mln dollarǵa deıin halyqaralyq granttar tartýdy boljap otyrmyz», - dedi vıse-mınıstr.
Halyqaralyq ǵylymı-tehnıkalyq ortalyq 38 memleket kiretin úkimetaralyq uıym bolyp tabylady. Ortalyq ıadrolyq qarýdy taratpaýǵa járdemdesý maqsatynda 1992 jyly qurylǵan. Bastapqy kezeńde EEQ, RF, AQSh, Japonııa arasyndaǵy kelisimderge qol qoıyldy. Odan ári oǵan Armenııa, Grýzııa, Belarýs, Qazaqstan, Qyrǵyzstan, Norvegııa, Koreıa, Tájikstan qosyldy. Qazaqstan 1995 jyldan bastap ortalyq múshesi bolyp tabylady. 2015 jyly HǴTO aıasynda jalpy quny 18 mlrd AQSh dollar bolatyn 701 joba, sondaı-aq somasy 2,5 mln dollarǵa ilespe baǵdarlamalar júzege asyryldy.