2017 jyly shegirtkemen kúreske 1,5 mlrd. teńge bólinip otyr. Bul týraly búgin Kavkaz jáne Ortalyq Azııa elderiniń shegirtkemen kúres boıynsha quzyrly organdary ókilderiniń forýmynda QR AShM memlekettik ınspeksııa basqarmasy basshysynyń orynbasary Mars Almabek málim etti.
"Júrgizilgen monıtorıng boıynsha, shegirtke taralymy 2017 jyly 1,5 mln. gektar aýmaqqa bolady dep josparlanyp otyr. Qazirgi ýaqytta bizdiń elimizde shegirtkeniń úsh túri taralǵan. Olar - azııalyq, ıtalııalyq jáne marokkolyq shegirtkeler. Qazirgi ýaqytta osy shegirtkelerge qarsy kúrestiń jańa tásilderi qaralýda. Respýblıka bıýdjetinen 2017 jyly 1,5 mlrd. teńge kózdelip otyr", - dedi ol.
Sonymen qatar, QR AShM ókili qazirgi ýaqytta shegirtke úıirin ǵaryshtan baqylaý jáne anyqtaý texnologııalaryn paıdalaný engizilip jatqanyn atap ótti. "Geografııalyq aqparat júıesi (GIS) - bul ǵarysh arqyly jańa monıtorıngileýdiń ádisi. Ol zaqymdanǵan alańdaryn, shegirtkelerdiń júrgen jerleriniń koordınattaryn salyp, olardy anyqtaýǵa, zertteýge jáne xımııalyq óńdeýdi júrgizýge yqpal etedi", - dedi M. Almabek.