Keshe Úkimet úıinde Qazaqstan Respýblıkasynyń Premer-Mınıstri Baqytjan Saǵyntaevtyń tóraǵalyǵymen Agroónerkásip keshenin damytýdyń memlekettik baǵdarlamasy jobasyn talqylaý jóninde keńes ótti, dep habarlady Premer-Mınıstrdiń baspasóz qyzmeti.
Keńes barysynda qatysýshylar 2017-2021 jyldarǵa arnalǵan Agroónerkásip keshenin damytýdyń memlekettik baǵdarlamasynyń jobasyn talqylady.
Ázirlenip jatqan memlekettik baǵdarlamanyń negizgi mindetteri – mal sharýashylyǵynyń jáne ósimdik sharýashylyǵynyń tıimdiligin arttyrý, taýar óndirisine usaq óndirýshilerdi tartý jáne ónimdi ótkizý men qaıta óńdeýdiń áreketti júıesin qurý úshin aýqymdy aýyl sharýashylyǵy kooperasııasyn damytý, memlekettik qoldaýdyń tıimdiligi men qoljetimdiligin qamtamasyz etý, maqsatty eksport saıasatyn iske asyrý jáne organıkalyq ónimderdiń qazaqstandyq brendin alǵa jyljytý.