2007
* 21 mamyrda Elbasy Nursultan Nazarbaev «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» Zańǵa qol qoıdy.
* 28 mamyrda eki kúndik memlekettik saparmen Gýrbangýly Berdymuhammedov Qazaqstanǵa keldi. Elbasy N.Á.Nazarbaev pen G.Berdymuhammedov shaǵyn jáne keńeıtilgen quramda kezdesýler ótkizdi. Kezdesý nátıjesinde 6 qujatqa qol qoıyldy. Bul týraly «Egemen Qazaqstan» gazetiniń 29 mamyr kúngi nómirinde «Qazaqstan-Túrikmenstan: Yntymaqtastyq tamyry tereńnen bastalady» taqyrybymen maqala jarııalandy.
* 7 maýsymda Elbasy Nursultan Nazarbaev ınternet jelisi arqyly qazaqstandyqtarmen suhbat ótkizip, halyqty tolǵandyryp júrgen kóptegen suraqtarǵa jaýap qaıtardy.
* 10 maýsymda Sankt-Peterbýrgte halyqaralyq dárejedegi eki úlken basqosý ótti. Onyń birinshisi – HI Peterbýrg halyqaralyq ekonomıkalyq forýmy, ekinshisi – TMD-ǵa múshe memleketter basshylarynyń beıresmı sammıti. Memleketaralyq deńgeıde ótip otyrǵan bul eki basqosýǵa Qazaqstan Prezıdenti Nursultan Nazarbaev qatysty.
* 15 maýsymda Elbasy Nursultan Nazarbaev О́skemende Qazaqstan Respýblıkasy Prezıdentiniń janynan qurylǵan Shet el ınvestorlary keńesiniń HVII plenarlyq otyrysyna qatysyp, sóz sóıledi.
* 29 maýsymda Astanaǵa jumys saparymen Ispanııa Koroli I Hýan Karlos pen onyń zaıyby Koroleva Sofııa keldi. Qazaqstan Prezıdenti Nursultan Nazarbaev pen Ispanııa Koroli I Hýan Karlos eki eldiń Úkimet músheleriniń qatysýymen kezdesý ótkizdi.
* 4 shildede Astanadaǵy Beıbitshilik jáne kelisim saraıynda «Nur Otan» partııasynyń kezekten tys HI sezi ótti. Alqaly jıynda Qazaqstan Respýblıkasynyń Prezıdenti, «Nur Otan» Halyqtyq Demokratııalyq partııasynyń Tóraǵasy Nursultan Nazarbaev sóz sóıledi. «Biz bárimiz buqara kópshilikke «Nur Otannyń» halyqtyń partııasy, halyqtyq partııa ekenin ispen kórsetýge tıispiz. «Nur Otan» el múddesin murat tutqan, óziniń osy ustanymyn tabandy qorǵaı biletin saıası uıym ekenin dáleldeýimiz kerek», dedi Elbasy Nursultan Nazarbaev.
* 5 shildede Elbasy Nursultan Nazarbaev elimizge jumys saparymen kelgen Horvatııa Prezıdenti Stepan Mesıchpen kezdesti.
* 21 shildede Elbasy Nursultan Nazarbaev «Qazaqstan Respýblıkasy astanasynyń mártebesi týraly» Zańǵa qol qoıdy.
* 27 shildede Elbasy Nursultan Nazarbaev «Qazaqstan Respýblıkasynyń Bilim týraly» Zańyna qol qoıdy.
* 7 tamyzda Qazaqstan Prezıdenti Nursultan Nazarbaev elimizge resmı saparmen kelgen Ázerbaıjan Prezıdenti Ilham Álıevpen kezdesip, kelissózder júrgizdi. Sonyń nátıjesinde 7 mańyzdy qujatqa bekitildi. Olardyń arasynda memleketter basshylary qol qoıǵan Birlesken málimdeme bar.
* 14 tamyzda Aqordada Qazaqstan Prezıdenti Nursultan Nazarbaev pen Mońǵolııa Prezıdenti Nambaryn Enhbaıar kezdesip, eki eldiń yntymaqtastyǵyn damytýdy kózdeıtin birqatar máseleler boıynsha kelissóz júrgizdi.
* 15 tamyzda Bishkekte Shanhaı yntymaqtastyq uıymyna múshe-elder Memleket basshylary keńesiniń kezekti, jetinshi otyrysy ótti. Sammıtke ShYU-ǵa múshe-memleketterdiń basshylary – Qazaqstan Respýblıkasynyń Prezıdenti Nursultan Nazarbaev, Reseı Federasııasynyń Prezıdenti Vladımır Pýtın, Qytaı Halyq Respýblıkasynyń Tóraǵasy Hý Szıntao, Qyrǵyz Respýblıkasynyń Prezıdenti Qurmanbek Bakıev, О́zbekstan Respýblıkasynyń Prezıdenti Islam Karımov jáne Tájikstan Respýblıkasynyń Prezıdenti Emomalı Rahmon qatysty. Sammıt qorytyndysynda ShYU-ǵa múshe-memleketter basshylary Birlesken kommıýnıke qabyldap, 10 qujatqa qol qoıdy.
* 18 tamyzda QHR Tóraǵasy Hý Szıntaonyń Qazaqstanda memlekettik sapary bolyp ótti. Elbasy Nursultan Nazarbaev pen Hý Szıntao shaǵyn jáne keńeıtilgen quramdarda kezdesýler ótkizdi. Sonyń nátıjesinde ekijaqty 10 qujatqa qol qoıyldy. Osy kúni elimizde Parlament Májilisiniń jáne barlyq deńgeıdegi máslıhattardyń saılaýy boldy. Qazaqstan halqy Konstıtýsııaǵa engizilgen demokratııalyq ózgeristerge sáıkes tuńǵysh ret partııalarǵa daýys berdi. Saılaýdyń qorytyndysy boıynsha saılaýshylardyń 88 paıyzdan astam daýysyn alǵan «Nur Otan» partııasy jeńiske jetti.
* 25 qyrkúıekte Prezıdent N.Á.Nazarbaev Birikken Ulttar Uıymy Bas Assambleıasynyń 62-shi sessııasynda sóz sóıledi. Jıynda Elbasy beıbitshilik pen qaýipsizdikti nyǵaıtýǵa baılanysty birqatar mańyzdy bastamalar kóterdi.
* 27 qyrkúıekte Elbasy N.Á.Nazarbaevtyń Brazılııaǵa memlekettik saparmen bardy. Sapar barysynda Elbasy Brazılııa Federatıvtik Respýblıkasynyń Prezıdenti Lýıs Inasıo Lýla da Sılvamen kezdesti.
* 1 qazanda Prezıdent N.Á.Nazarbaevtyń Túrkııa Respýblıkasyna resmı sapary boldy. Ankarada Qazaqstan basshysy Túrkııa Prezıdenti Abdýlla Gúlmen kezdesti.
* 15 qazanda Elbasy Nursultan Nazarbaev resmı saparmen Iran Islam Respýblıkasyna bardy. Bul týraly «Egemen Qazaqstan» gazetiniń 16 qazan kúngi nómirinde «Sapar almasýlar shapaǵaty Qazaqstan men Irannyń saıası-ekonomıkalyq qarym-qatynasynyń údemeli sıpatynan aıqyn kórinip otyr» taqyrybymen maqala jarııalandy.
* 5 qarashada Elbasy Nursultan Nazarbaev Sırııa Arab Respýblıkasyna resmı saparmen bardy. Elbasy Sırııa basshysy Bashar Asadpen kezdesti.
* 7 qarashada Elbasy Nursultan Nazarbaev Birikken Arab Ámirlikterine jumys saparymen baryp, osy eldiń Prezıdenti Sheıh Halıfa ben Zaıd ál Nahaıanmen kelissóz júrgizdi.
* 3 jeltoqsanda Qazaqstan Eýropadaǵy qaýipsizdik jáne yntymaqtastyq uıymynyń (EQYU) 2010 jylǵy tóraǵasy bolyp saılandy.
* 14 jeltoqsanda Beıbitshilik jáne kelisim saraıynda Táýelsizdiktiń 16 jyldyǵyna arnalǵan saltanatty jınalys boldy. Onda Elbasy Nursultan Nazarbaev sóz sóıledi.
* 20 jeltoqsanda Prezıdent Nursultan Nazarbaev jumys babyndaǵy saparmen Máskeý qalasyna bardy. Qazaqstan Prezıdenti Nursultan Nazarbaev pen Reseı Federasııasynyń Prezıdenti Vladımır Pýtın kezdesip, eki eldiń strategııalyq áriptestigin jáne ıntegrasııalyq yntymaqtastyǵyn damytýǵa qatysty birqatar ózekti máselelerdi talqylady.