2008 jylǵy Beıjiń Olımpıadasynda grek-rım kúresinen 60 kıloǵa deıingi salmaqta kúmis medal alǵan Ázerbaıjan balýany Vıtalıı Ragımovtyń dopıng qoldanǵany anyqtalǵan bolatyn. Osy salmaqta óner kórsetip, qola medal ıelengen qazaqstandyq balýan Nurbaqyt Teńizbaev bul oqıǵaǵa baılanysty facebook-tegi jeke paraqshasynda pikirin bildirdi.
- Qurmetti dostar! Pekın Olımpıadasy men úshin sporttyq kareramnyń shyńy boldy. Árbir sportshy Olımpıada oıyndarynyń jeńimpazy nemese júldegeri bolǵysy keletini anyq. Sportta uzaq ýaqyt júrip, eshqashan jeńildiń astymen, aýyrdyń ústimen júrgendi qoldamaıtynmyn jáne qoldamaımyn da. Qandaı medal bolsyn ony kilem ústinde jeńip alǵandy qoldaımyn. Dál sol kúni, meni Ázirbaıjan balýany Vıtalıı Ragımov utqan bolatyn. Vıtalııdi talantty da myqty balýan retinde tanımyn. Sol kúni úshinshi oryn ıelený meniń mańdaıyma jazylǵan bolar, maǵan ózimniń utqan qola medalim asa qymbat. Kúmis Vıtalııge jáne onyń januıasyna tıesili. Ol medaldyń artynda kóptegen adamnyń eńbegi jatyr. Kúmis sol eńbektiń jemisi dep oılaımyn! Sizderdiń jyly lebiz jáne qoldaýlaryńyzǵa úlken alǵys aıtamyn-dedi Nurbaqyt Teńizbaev.
Nurhan Samarhan