Búgin Aqmola oblysy ákimdiginiń otyrysynda aımaq basshysy Sergeı Kýlagın ujymdy kadrlyq ózgeristermen tanystyrdy, dep habarlaıdy oblys ákimdiginiń baspasóz qyzmeti.
Aımaq basshysy aldymen óz qyzmetine qaıta kirisken Aqmola oblysy ákiminiń orynbasary Ashat Qaınarbekovti quttyqtady. Ol «Bolashaq» baǵdarlamasy boıynsha AQSh-tyń Kolýmbııa ýnıversıtetin «ekonomıka» mamandyǵy boıynsha Memlekettik basqarý magıstri dárejesinde oqýyn sátti aıaqtap, búginde óz qyzmetine qaıta kiristi. Ákim orynbasary oblystyń kásipkerlik, óndiris jáne týrızmdi damytý sııaqty mańyzdy salalaryna jetekshilik etetin bolady.
Sondaı-aq, basqosý barysynda aımaq basshysy jınalǵandarǵa Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń ústimizdegi jyldyń qazan aıyndaǵy buıryǵymen taǵaıyndalǵan Sybaılas jemqorlyqqa qarsy is-qımyl ulttyq bıýrosynyń (Sybaılas jemqorlyqqa qarsy qyzmet) Aqmola oblysy boıynsha departamentiniń basshysy Shyńǵys Qabdollany jáne osy agenttiktiń Aqmola oblysy boıynsha departamentiniń basshysy, Ádep jónindegi keńes tóraǵasy Bergen Bespalınovti de tanystyrdy. Oblys ákimi óz jumysyna kirisken memlekettik qyzmetkerlerdiń jumystaryna sáttilik tilep, el Táýlsizdiginiń nyǵaıýyna bar kúsh-jigerlerin aıamaı eńbektenýge shaqyrdy.