Batys Qazaqstan oblysynda bıylǵy on aıda qurylys jumystarynyń kólemi 9 paıyzǵa ósti, dep habarlaıdy egemen.kz «QazAqparatqa» silteme jasap.
Oblys ákimi Altaı Kólginovtiń aıtýynsha, Ulttyq qor men memlekettik bıýdjetten qurylysqa barlyǵy 20 mlrd teńge bólinse, sonyń ishinde turǵyn úı qurylysyna 17 mlrd teńge, áleýmettik nysandarǵa 2,8 mlrd teńge, sýmen qamtý nysandaryna 434 mln teńge baǵyttalǵan.
«Jeke ınvestısııany qosa alǵanda, barlyq qarjy kózderi esebinen 210 myńnan astam sharshy metr turǵyn úı turǵyzyldy, bul - jyldyq jospardyń 111 paıyzy. 2020 jylǵa deıingi óńirlerdi damytý, «Báıterek» holdıngi, memlekettik-jeke áriptestik baǵdarlamalary aıasynda jyl sońyna deıin 14 kóp páterlik úı (1265 páter), Bókeı ordasy men Jańaqala aýdandarynda 22 bir páterlik úı, barlyǵy 1500 páter paıdalanýǵa berilmekshi. Bul el Táýelsizdiginiń 25 jyldyǵyna oraı páter ıeleri úshin jaqsy tartý bolmaq», dedi aımaq basshysy.