Úndistanda poıyzdyń apatqa ushyraýy saldarynan qaza bolǵandar sany 100 den asty, taǵy 200 adam jaraqat alǵan, dep habarlady lenta.ru
Senbiden jeksenbige qaraǵan túni Úndistannyń soltústigindegi Ýttar-Pradesh shtatynda Indaýr — Patna baǵyty boıynsha júrip kele jatqan jolaýshylar poıyzynyń 14 vagony relsten shyǵyp ketti. Poıyzda 500 den astam adam bolǵan.
Oqıǵaǵa baılanysty tergeý jumystary bastaldy. Keı derekterge qaraǵanda, apatqa jergilikti shtat aýmaǵynda relsterdiń jaramsyzdyǵy sebep bolýy múmkin. Máselen, ótken jyldyń naýryz aıynda dál osy Ýttar-Pradesh shtatynda poıyzdyń relsten shyǵýy saldarynan 39 adam qaza taýyp, 150-i jaraqat alǵan.