Qazaqstanda balalardyń quqyqtaryn qorǵaýǵa arnalǵan "111" baılanys ortalyǵy jumys isteı bastady. Kez kelgen bala atalǵan telefon nómirine xabarlasyp, óz quqyqtarynyń buzylǵany týraly aryz túsire alady, dep xabarlaıdy QazAqparat.
Baılanys ortalyǵy kúni-túni jumys isteıdi. Balalar quqyqtaryn qorǵaý jónindegi ýákil Zaǵıpa Balıevanyń aıtýynsha, birde-bir balanyń aryz-shaǵymy nazardan tys qalmaıdy.
"Qarashanyń 20-synan bastap jeltoqsannyń 1-ine deıin baılanys ortalyǵy testtik rejımde jumys isteıdi. Oǵan xabarlasqan balanyń esimi qupııada saqtalady. Biz bolsaq, tıisti sharalardy qolǵa alatyn bolamyz. Sondyqtan barlyqtaryńyz daıyn bolyńyzdar. Biraq ol sharalar Eýropada sııaqty bolady, balany alyp ketedi de, bárine aıyppul salady dep, baıbalam salýdyń qajeti joq. Biz balanyń quqyqtaryn qorǵaı otyryp, onyń tıisti mindetteri de bar ekenin túsindiretin bolamyz. 18 jasqa onyń tolyqqandy quqyqtarymen birge tolyqqandy mindetteri de bolatynyn jetkizýimiz kerek", - deıdi Z.Balıeva.
Onyń aıtýynsha, baılanys ortalyǵynda jumys isteıtin psıxologtar men operatorlar arnaıy daıyndyqtan ótken bolatyn.