Fransııanyń burynǵy prezıdenti Nıkolıa Sarkozı praımerızdiń birinshi týrynda jeńilip qaldy, dep habarlaıdy RIA Novostı.
Praımerızdiń orgkomıtetiniń resmı aqparaty boıynsha, Sarkozı 22,9 paıyz ǵana daýys jınap, úshinshi oryn alǵan. Burynǵy premer-mınıstr Fransýa Fııon (43,6 %) men Alen Jıýppe (26,7 %) birinshi jáne ekinshi orynda tur. Qalǵan qatysýshylardyń árqaısysy 3 paıyzdan artyq daýys jınaı almaǵan.
Fransııada 20 qarashada jalpyulttyq praımerızdiń birinshi týry ótti. Onda daýys berýge alǵash ret partııasyna qaramastan barlyq azamattar men 2017 jyly kóktemge deıin kámelettik jasqa tolatyn jastar qatysýǵa múmkindik aldy.
Birinshi kezeńge 7 kanıdadat qatysty: altaýy respýblıkalyq partııadan, bireýi hrıstıan-demokratııa partııasynan. Praımerızdiń ekinshi týry 27 qarashada ótedi.