Brıtandyq BBC World News efırinde Qazaqstan týraly kezekti beınerolık shyqty, dep habarlaıdy QazAqparat.
«Jobanyń ereksheligi sol, biz Qazaqstandy 19-ǵasyrda ómir súrgen brıtandyq geograf Tomas Atkınson men áıeli Lıýsı Atkınsonnyń kózimen kóre aldyq. Tomas pen Lıýsıdiń tańǵajaıyp oqıǵasy týraly Anglııadaǵy jáne búkil álemdegi dostarym jaqsy biledi. О́kinishke qaraı, olardyń deni sondaı-aq, qazirgi Qazaqstan týraly bile bermeıdi. Bul shaǵyn fılmdi eń kemi 444 mıllıon adam (BBC World News telearnasynyń halyqaralyq aýdıtorııasy) kórip, Qazaqstanǵa qyzyǵýshylyq tanytady degen úmitemiz», – dep jazdy óziniń Facebook paraqshasyna BBC Worldwide kommersııalyq ókildiginiń basshysy Sergeı Stanovkın.
Aıta keteıik, bıylǵy shilde-qyrkúıek aılarynda BBC World News Almaty týraly jarnamalyq rolıkter kórsetken bolatyn.