Reseıdiń Sankt-Peterbýrg qalasynda ótip jatqan jasóspirimder arasyndaǵy bokstan álem chempıonatynda 8 boksshymyz jartylaı fınalǵa joldama aldy. Bul týraly Qazaqstannyń Boks federasııasy habarlaıdy.
Dese de chempıonattyń 4-shi kúnindegi qorytyndy boıynsha bir boksshymyz jarys jolynan shyǵyp qaldy. Sondaı-aq, 60 kılo salmaqta judyryqtasqan Sanatáli Toltaev ózbekstandyq Bılobek Mırzarahımovke ese jiberdi. Al 75 kıloda sharshy alańǵa shyqqan Bek Nurmaǵanbet avstralııalyq Djek Gıppti utyp, kelesi aınalymǵa joldama aldy.
Federasııa habarlaǵandaı, búgin 52 kıloda Aıdos Arapov armıan boksshysy Jıraıra Sargsıanmen, 64 kıloda Ilııas Mırhatuly kýbalyq Damen Leskaıllemen, 81 kıloda Bekzat Nurdáýletov ózbek Sanjar Týrsýnovpen, 91 kıloda Muhamedjan Taıbaǵarov slovak Davıd Mıhalekpen judyryqtasady.
Aıta keteıik, álem chempıonatynyń jartylaı fınaly 25 qarashada, aqtyq kezdeýler 26 qarashada ótedi.