Qostanaıda «Nurly tań» atty qazaq tilindegi aımaqtyq, qoǵamdyq-saıası gazet shyqty. Bul Qostanaı oblysynyń tarıhynda memlekettik tilde shyǵyp otyrǵan ekinshi oblystyq basylym.
Gazet redaktory Jumakúl Erqasymova oqyrmandarǵa arnaý sózinde: «Aptalyq gazet ujymynyń alǵa qoıǵan maqsaty—qoǵamda týyp otyrǵan áleýmettik, saıası-ekonomıkalyq máseleler tóńireginde oı túıindep, oqyrmanmen bólisý, halyq pen jergilikti atqarýshy bılik arasyndaǵy úılesim tiregine aınalý», - dep jazdy. Gazettiń menshik ıesi «Nurly tań» gazeti jaýapkershiligi shekteýli seriktestigi bolyp tabylady.
Gazettiń betashar nómiri 20 bet bolyp shyqty. Onda gazet búgingi kúnniń ótkir máselesine aınalǵan artta qalǵan aýyl mektepteri, jastardy qaterli aǵymnyń «qarmaǵynan» qorǵaý, týrızmdi damytý, aýyldyń rýhanı tynysy týraly jáne taǵy basqa da taqyryptardy kótergen.
Názıra Járimbetova,
"Egemen Qazaqstan".
Qostanaı