Elordada ulttyq paralımpıada komandasyna arnalǵan jeke sport keshenin salý josparlanyp otyr. Bul týraly QazAqparatqa ulttyq paralımpıada komıtetiniń baspasóz hatshysy Gúlnár Jeılan málim etti.
Múmkindigi shekteýli sportshylardyń jeke zaldar men basseınderde kedergisiz jattyǵýy úshin bar jaǵdaı jasalmaq. Keshenniń qurylysyn biregeı etý úshin AQSh-tyń belgili arhıtektory Ilean Rodrıgez Astanaǵa kelgen eken. Bul sáýletshini halyqaralyq olımpıada komıtetiniń ózi usynypty. Bunymen qosa, Ileana Rodrıgez Londonda ótken Paralımpıada oıyndarynda jetinshi oryn alǵan sportshy.
«Meni Qazaqstannyń paralımpıada oıyndaryna shaqyrdy, bul tamasha komanda. Meniń mindetim - jańa sport keshenin qaraý. Bul jobaǵa úles qosý - men úshin úlken abyroı»,-deıdi ol.
Jospar boıynsha, Qazaqstandaǵy osyndaı tuńǵysh sport kesheni 2017 jyldyń naýryzynda ashylýy kerek.