Golovkın Ýordty jeńe ala ma?

Bul suraqqa boks álemindegi myqty sarapshylardyń biri jaýap berdi. Jáne "jaı ǵana jeńbeıdi, nokaýtpen jeńedi" dep jaýap berdi. «Golovkın Ýordqa birtalaı qıynshylyq ákelýi múmkin» – dedi Boxingnewsresults.com basylymynyń sholýshysy Tım Nelson. Onyń boljaýy boıynsha, Gennadıı Golovkın Andre Ýordty úlken basymdyqpen jeńedi. Amerıkalyq pen Sergeı Kovalevtiń jeksenbi kúngi jekpe-jeginen keıin Nelson osyndaı pikirge kelgen. «Kovalev – Ýord kezdesýinen soń mende osyndaı oı týyndady. Osy keshtegi qarsylasy orta salmaqtaǵy álem chempıony Gennadıı Golovkın bolǵanda ol Ýordtqa úlken problema ákeleri anyq edi. Nege? О́ıtkeni, Golovkın ár raýndta úsh mınýt boıy Ýordqa udaıy qysym jasaýmen bolar edi. Eger jýyqta Kell Brýkpen ótkizgen jekpe-jegin kórgen bolsańyzdar, ne aıtyp otyrǵanymdy túsinesizder. Golovkın úshinshi raýndtan besinshi raýndqa deıin brıtandyqtyń bapkeri treneri Domınık Ingl oramal laqtyrǵansha aıaýsyz soqqylaýmen boldy. Árıne, Ýord Golovkınge qaraǵanda boıshańdaý, salmaǵy da aýyrlaý. Biraq odan myqty emes. Bastysy soqqyny Golovkınnen kóp jasamaıdy. Ýord áli sýper orta salmaqtyń boksshysy sııaqty urady, biraq 168 fýntta ol eshqashan myqty pancher bolǵan emes.

Ýord pen Kovalevtiń kezdesýi tóreshiler ádiletsizdigi týraly daý-damaıǵa sebep boldy

Keshegi jekpe-jekten keıin men senimdimin, GGG jaı jeńbeıdi, ol Ýordty nokaýtqa bir-aq túsiredi. Basqa sózben aıtqanda, Golovkın tóreshilerge daýly sheshim shyǵarýǵa múmkindik bermes edi. Nelikten Golovkın Ýordty jeńedi? Sebebi: - Ýordqa qaraǵanda Golovkınniń soqqysy kúshti; - Biz Golovkınniń ár raýnd boıy Ýordty tolassyz soqqy astyna alǵanyn kórer edik. Eger Ýord keshegi jekpe-jektegi sekildi «kúresip» ketse, onda Golovkın ony jaqynnan uryp shegedeı qaǵyp tastar edi. - Golovkınniń djebi men sol jaq hýgi, Ýordqa qaraǵanda myqty. Golovkın Ýordpen kezdese me, joq pa, áli belgisiz. Al eger kezdese qalsa,  Gennadıı nokaýtpen jeńedi. Bul úshin Golovkın Denıel Djeıkobs, Bıllı Djo Sonders jáne Saýl Alvarestermen kezdesip, orta salmaqty tazalaýy kerek. Golovkınniń Ýordtan qorqatyn esh sebebi joq. Ony biz keshegi aıqasta baıqadyq. Ýord qatty ura almaıdy jáne sol qolynyń kúshine ǵana senetin sııaqty» - dep jazady sarapshy.