2008
* 1 qańtarda Elbasy Nursultan Nazarbaevtyń Qazaqstan halqyn jańajyldyq quttyqtaýy «Egemen Qazaqstan» gazetinde jaryq kórdi. Quttyqtaýda: «Aldymyzǵa álemdegi básekege qabiletti 50 eldiń qatarynan nyq oryn tebý maqsatyn qoıdyq. «30 korporatıvtik kóshbasshy» baǵdarlamasyn oryndaýǵa kiristik. Damýdyń jeti basym baǵytyn aıqyndadyq. Elimiz halyqaralyq qoǵamdastyqtyń aldynda zor bedelge jetti», – dep atap kórsetildi.
* 17 qańtarda Elbasy N.Á.Nazarbaevtyń qatysýymen Astana qalasyndaǵy Prezıdent mádenıet ortalyǵynda «Nur Otan» halyqtyq-demokratııalyq partııasy Saıası keńesiniń keńeıtilgen otyrysy boldy. «Nur Otannyń» damýynda jańa beles bastaldy. Partııa Qazaqstandaǵy júıeli ózgeristerdiń naqty alǵa aparýshysy, eldegi buqaralyq saıası jumystardyń eń tıimdi tetigi bolýǵa tıis», – dedi jıyn barysynda Memleket basshysy Nursultan Nazarbaev.
* 26 qańtarda Qazaqstan Prezıdenti Nursultan Nazarbaevtyń «Bıznestiń áleýmettik jaýapkershiligi jónindegi «Paryz» konkýrsy týraly» Jarlyǵy shyqty.
* 30 qańtarda Elbasy Nursultan Nazarbaev «Bolashaq» baǵdarlamasy stıpendıattarynyń forýmyna qatysyp, atalǵan halyqaralyq baǵdarlamany jańǵyrtýdy usyndy ári erkin eldiń erteńin kemel etýdiń keshendi mindetterin atap kórsetti.
* 22 aqpanda Elbasy Nursultan Nazarbaev Máskeýde ótken TMD memleketteri basshylarynyń beıresmı basqosýyna qatysty. Jıynda Qazaqstan Prezıdenti atalǵan kezdesýdiń TMD elderi halyqtarynyń ál-qýatyn jaqsartýǵa qyzmet etetinine senetinin málimdedi.
* 4 naýryzda Qazaqstan Prezıdenti Nursultan Nazarbaev elimizge resmı saparmen kelgen Katar memleketiniń Ámiri Sheıh Hamad ben Halıfa ál-Tanımen kezdesti. Memleketter basshylarynyń kelissózderinen keıin eki eldiń arasyndaǵy yntymaqtastyqty damytýǵa serpin beretin úsh mańyzdy qujatqa qol qoıyldy.
* 5 naýryzda Elbasy Nursultan Nazarbaev Astanaǵa resmı saparmen kelgen Ýkraına Prezıdenti Vıktor Iýshenkomen kezdesý ótkizdi. Osy kúni memleketter basshylarynyń qatysýymen saltanatty jıyn ótip, onda Qazaqstandaǵy Ýkraına jyly resmı túrde ashyldy.
* 15 naýryzda resmı saparmen Oman sultandyǵyna barǵan Elbasy Nursultan Nazarbaev osy eldiń Sultany Kabýs ben Saıdpen kezdesti. Basqosýda eki eldiń yntymaqtastyǵyn tereńdetý máseleleri talqylandy.
* 22 naýryzda Elbasy Nursultan Nazarbaev qazaqstandyqtardy Ulystyń Uly kúni – Naýryz merekesimen quttyqtady. «Aıaýly otandastarym, qadirmendi qaýym! Kún men túnniń teńelgen, maldyń aýzy kókke tıgen, adam aýzy aqqa tıgen, túnniń kúnge bet burǵan, tabıǵattyń gúldenip qulpyrǵan qýanysh kezeńi – Naýryz meıramy barshańyzǵa qutty bolsyn! – dedi Prezıdent.
* 17 sáýirde elimizge Qyrǵyz Respýblıkasynyń Prezıdenti Qurmanbek Bakıevtiń resmı sapary bastaldy. Qazaqstan Prezıdenti kórshi el basshysymen kezdesip, taraptar ekijaqty qarym-qatynastardyń ózekti máselelerin talqylady.
* 22 sáýirde Prezıdent N.Á.Nazarbaev Astanaǵa eki kúndik resmı saparmen kelgen О́zbekstan Respýblıkasynyń Prezıdenti Islam Karımovpen kezdesti. Memleketterdiń basshylary eki el arasyndaǵy keń aýqymdy máseleler turǵysynda sóz qozǵady.
* 12-13 mamyr kúnderi Tájikstan Respýblıkasynyń Prezıdenti Emomalı Rahmonnyń Qazaqstanda eki kúndik resmı sapary ótti. Aqordada Qazaqstan Prezıdenti Nursultan Nazarbaev pen Tájikstan Prezıdenti Emomalı Rahmon kelissózder júrgizdi. Sonyń nátıjesinde Birlesken málimdeme qabyldandy jáne birqatar ekijaqty qujattarǵa qol qoıyldy.
* 14 mamyrda Elbasy Nursultan Nazarbaev Astanada ótken «Nur Otan» partııasy «Jas Otan» jastar qanatynyń I sezine qatysyp, sóz sóıledi. «Jastardyń jáne elimizdiń basty kapıtaly – sapaly bilim. Ol birinshi orynda turady. Qazirgi kezde Qazaqstanda joǵary bilikti kadrlardy ázirleý úshin kóp jumys júrgizýdemiz. Jyl saıyn joǵary jáne orta-kásibı bilim alǵan mamandardy daıarlaýǵa memlekettik bilim berý granty belgilenedi», – dedi Elbasy.
* 16 mamyrda Prezıdent Nursultan Nazarbaev Taıaý Shyǵys jónindegi Búkilálemdik ekonomıkalyq forýmnyń jumysyna qatysý úshin Egıpet Arab Respýblıkasynyń Sharm-ál-Sheıh qalasyna bardy. Forým aıasynda qazaqstandyq kesh uıymdastyrylyp, onda Elbasy sóz sóıledi.
* 22 mamyrda Reseı Federasııasynyń Prezıdenti Dmıtrıı Medvedev Qazaqstanǵa memlekettik saparmen keldi. Qazaqstan jáne Reseı basshylarynyń kezdesýinde ekonomıkalyq jáne gýmanıtarlyq máseleler keńinen sóz boldy.
* 27 mamyrda Elbasy Nursultan Nazarbaev Qazaqstanǵa saparmen kelgen AQSh Kongresiniń múshelerimen kezdesti. Kezdesý barysynda taraptar Qazaqstan men AQSh arasyndaǵy yntymaqtastyqty ári qaraı tereńdetýge qatysty birqatar ózekti máselelerdi talqylady.
* 6 maýsymda Reseıdiń Sankt-Peterbýrg qalasynda TMD-ǵa múshe memleketter basshylarynyń kezdesýi ótti. Oǵan Elbasy Nursultan Nazarbaev qatysty. Sondaı-aq, Nursultan Nazarbaev Egıpet Prezıdenti Hosnı Mýbarakpen jáne basqa da birqatar memleketterdiń basshylarymen ekijaqty kezdesý ótkizdi.
* 5 shildede Elbasy Nursultan Nazarbaev Astana kúni merekesi qarsańynda elimizge kelgen shet memleketter prezıdentterimen eki jaqty kezdesý ótkizdi. Astana kúnine Armenııa Prezıdenti Serj Sargsıan, Ázerbaıjan Prezıdenti Ilham Álıev, Grýzııa Prezıdenti Mıhaıl Saakashvılı, Qyrǵyzstan Prezıdenti Qurmanbek Bakıev, Túrkııa Prezıdenti Abdýlla Gúl, Tájikstan Prezıdenti Emomalı Rahmon, Túrikmenstan Prezıdenti Gýrbangýly Berdymuhamedov, Reseı Prezıdenti Dmıtrıı Medvedev keldi.
* 6 shildede elordadaǵy «Qazaq eli» monýmentiniń ashylý saltanaty bolyp ótti. Eskertkishti Elbasy Nursultan Nazarbaev saltanatty jaǵdaıda ashty. Bul týraly «Egemen Qazaqstan» gazetiniń 7 shilde kúngi nómirinde «Eldiktiń eńseli eskertkishi» taqyrybymen maqala jarııalandy.
* 29 shildede Ispanııa Koroli I Hýan Karlostyń shaqyrýy boıynsha Elbasy Nursultan Nazarbaev osy eldiń Palma de Maıorka qalasyna bardy. Munda memleketter basshylary halyqaralyq yntymaqtastyq máselelerin, sondaı-aq, ekijaqty yqpaldastyqtyń jaı-kúıin talqylady.