Túnde 2 myńnan astam pavlodarlyq jaryqsyz qaldy. Aldymen turǵyndar oblys ortalyǵyndaǵy qosalqy stansııalardyń isten shyqqanyna shaǵymdanǵan. Saldarynan Pavlodar qalasynyń Lomov, Kýtýzov, Kataev, Amangeldi, Teplov jáne Gagarın kósheleriniń 2301 turǵyny men 79 zańdy tulǵa jaryqsyz qaldy, Qazirgi tańda apat oryndarynda kásiporynnyń 3 brıgadasy, elektrotehnıkalyq zerthana mamandary jumys istep jatyr, dep habarlaıdy Bnews.kz.
«Pavlodarenergo» AQ qoǵammen baılanys bóliminiń málimetinshe, «Qalanyń ortalyq» qosalqy stansııasynda apat bolǵan.
«21 qarashada túngi saǵat 22.04-te «Ortalyq qalalyq» qosalqy stansııasy isten shyqty. Saldarynan, Pavlodar qalasynyń ońtústik bóligine elektr energııasy berilgen joq. «PREK» AQ brıgadalary eki saǵat boıy apat saldaryn joıý jumysyn atqardy. Jóndeý jumystary barysynda №443 qosalqy stansııasyna qosylǵan qýaty 10 kVt kabeldiń zaqymdanǵany anyqtaldy. Bul qosalqy stansııa atalǵan kásiporynǵa tıesili bolmaǵandyqtan, jóndeý jumystarynan bas tartty. Sondyqtan, dál qazir taǵy 7 nysan jaryqsyz otyr. Olardyń qatarynda órt bólimi, balabaqsha men turǵyn úıler bar», – deıdi «Palvodarenergo» AQ qoǵammen baılanys bóliminiń mamany Olesıa Emelıanova.
Aıta keteıik, turǵyndardy jaryqpen qamtý maqsatynda «PREK» AQ jóndeý jumystaryn óz moınyna aldy. Qazirgi tańda apat oryndarynda kásiporynnyń 3 brıgadasy, elektrotehnıkalyq zerthana mamandary jumys istep jatyr.