«Qaısar» fýtbol klýby bolgarııalyq Stoıcho Mladenovpen "1+1" júıeli kelisim-shartqa otyrdy. Eger klýb 2017 jyldy nátıjeli aıaqtasa, kelisim-shart avtomatty túrde taǵy bir jylǵa sozylady. Bul týraly atalǵan fýtbol klýbynyń resmı saıty habarlady.
Qyzylordalyq klýbtyń jańa jattyqtyrýshysy — Stoıcho Mladenov. Ol 1957 jyly 12 sáýirde Bolgarııadaǵy Ploskı aýylynda týǵan. 1974 jyldan bastap «Dımıtrovgrad» fýtbol komandasynda oınap, keıin «Beroe» men Sofııadaǵy SSKA-ǵa aýysqan. Odan bólek «Belenensesh», «Vıtorııa Setýbal», «Eshtorıl», «Olıanenze» syndy komandalarda oınaǵan ol 37 jasynda mansabyn aıaqtady. Ol óziniń fýtboldaǵy 20 jyldyq eńbeginde barlyǵy 430 kezdesý ótkizip, 185 gol soqqan.
Mladenovtyń jattyqtyrýshylyq mansabynda «Eshotrıl», «Oıanenze», «Belenensesh», «Lıteks», «Kaleteıa», SSKA (Bolgarııa), «Al-Ahlı» (Saýd Arabııasy), «Al-Etıfak» (Saýd Arabııasy), ENPPI (Egıpet), «Al-Itıhad» (Egıpet) fýtbol klýbtary bar. Al, 2016 jyldyń maýsym aıynan bastap ol «Atyraý» klýbyn basqarǵan bolatyn.
Aıta keteıik, «Qaısar» fýtbol quramasy jańa jattyqtyrýshymen oqý-jattyǵý jıynyn jeltoqsan aıynan bastap ótkizedi.