Qazaqstan bıyl 63 mln tonna munaı aldy

Qazaqstan bıyl 10 aıdyń ishinde munaı alý josparyn 1,4 %-ǵa artyq oryndady, dep habarlaıdy LS. Energetıka mınıstri Qanat Bozymbaevtyń aıtýynsha, 2016 jyldyń qańtar-qazan aılarynda Qazaqstanda 63,8 mln tonna munaı alynǵan. Bul kórsetkishti 2017 jyly 80 mln tonnaǵa, 2030 jyly 102 mln tonnaǵa jetkizý josparlanyp otyr. Osy ýaqyt aralyǵynda óńdelgen munaı kólemi 11,9 mln tonnany qurady. Bul alǵa qoıylǵan jospardan 2,1 paıyzǵa kóp.

Sonymen qatar gaz alý kólemi de 43,5 ten 44 mlrd m3-ke jetken.

"Halyqty gazben qamtý osy salanyń negizgi maqsaty. Bizdiń josparymyz boıynsha, 2030 jylǵa deıin gazben qamtý 56 paıyzdy quraıtyn bolady. Qazir ol 43 paıyzdy qurap otyr. 10 jyl ishinde gazben qamtýǵa 215 mlrd. teńge bólindi. Respýblıkada 1,2 myń eldi meken gazben qamtyldy. 2016-2020 jyldar aralyǵynda 6 oblystyń 84 eldi mekeni gazben qamtylady", - dedi Qanat Bozymbaev.