Búgin Almaty ákimi Baýyrjan Baıbek Chehııa Respýblıkasynyń syrtqy ister mınıstri Lıýbomır Zaoralek pen jáne osy eldiń óńirlik damý mınıstri Karla Shlehtovpen kezdesti, dep habarlaıdy Almaty qalasy ákiminiń baspasóz qyzmeti.
Taraptar saýda- ekonomıkalyq jáne mádenı- gýmanıtarlyq baılanystardy odan ári damytý máselelerin talqylady.
Kezdesý barysynda Almaty ákimi Almaty men Chehııa arasyndaǵy saýda baılanysy ústimizdegi jyldyń 10 aıy ishinde 76,3 mln. AQSh dollaryna artqanyn, megapolıste birikken 40 jáne chehtyń kapıtalymen jumys isteıtin 24 kásiporynnyń tirkelgendigin aıtty.
О́ziniń sózinde B.Baıbek 2015 jyly Qazaqstan álemniń 35 eli úshin vızasyz rejımdi engizgenin, 2017 jyly onyń 56 memleketke jetetinin habarlady.
«Almaty elimizdiń barlyq týrıstik qyzmetiniń 60% -yn qamtamasyz etedi. Munda álemdegi bıik taý shatqalyndaǵy «Medeý» muz aıdyny, maýsymyna 120 myń adam keletin «Shymbulaq» taý shańǵysy kýrorty bar, árbir ekinshi sheteldik týrıst Almatyǵa keledi. О́tken jyly Almatyda Chehııanyń 1,5 myń azamaty boldy. Keler jyldyń basynda 28-shi Qysqy Ýnıversıada ótedi, oǵan quramynda 127 adam bar Chehııa delegasııasy da qatysady, olardyń 78 atletter», - dedi B.Baıbek.
Chehııa Respýblıkasynyń syrtqy ister mınıstri Lıýbomır Zaoralek eki el bıznesmendereniń túrli salalar boıynsha ózara baılanystarynyń artyp kele jatqanyn sóz etti.
«Bıyl Qazaqstan óz táýelsizdiginiń 25 jyldyǵyn atap ótedi. Osy qysqa merzim ishinde Qazaqstannyń zor eleýli tabystarǵa jetkeni tańdandyrady. Memlekettiń ekonomıkalyq jáne saıası jaǵynan turaqty bolýy bıznes úshin óte mańyzdy. Sondyqtan biz sizdermen yntymaqtastyqty odan ári nyǵaıtýǵa yntalymyz», - dedi L.Zaoralek.
Chehııanyń óńirlik damý mınıstri Karla Shlehtov óziniń sózinde Qazaqstannyń soltústigine barǵan saparlarynda tempreratýranyń kúrt tómendegenin, ózgelermen salystyrǵanda Almatynyń óte ásem qala ekendigin erekshe atap ótti. Mınıstr hanym Almatynyń týrıstik potensıalynyń joǵary ekenin, qalaǵa Chehııadan keletin týrıster sanynyń jyl saıyn arta túsetinin aıtty.