Álemge tanymal BBC World News telearnasynan 2017 jyly Almatyda ótetin Ýnıversıada oıyndarynyń jarnamalyq rolıgi kórsetile bastady. Bul týraly BBC Worldwide kommersııalyq ókildiginiń basshysy Sergeı Stanovkın óziniń Feısbýk áleýmettik jelisindegi jeke paraqshasynda jazdy.
«О́tken aptada BBC World News telearnasynda 2017 jyly Almatyda ótetin Ýnıversıadanyń jarnamalyq kampanııasy bastaldy. Birneshe aı boıy ázirlengen vıdeomaterıaldyń ǵalam boıynsha eń bedeldi ári qaltaly sanalatyn BBC World News telearnasynyń mıllıondaǵan kórermeniniń nazaryna usynylatynyna qýanyshtymyn», - dep jazdy ol vıdeoǵa bergen sıpattamasynda.
Esterińizge sala keteıik, 28-shi Dúnıejúzilik qysqy Ýnıversıada elimizdiń ońtústik astanasynda 2017 jyldyń 29 qańtary men 8 aqpany aralyǵynda ótedi. Jarysqa 50 elden 2 myńǵa jýyq sportshy qatysady.