Bıyl elordada elimizdiń bas qalasynda týrızmdi damytýdyń jańa tujyrymdamasy qabyldandy, onda oqıǵalyq, iskerlik jáne medısınalyq týrızmge erekshe kóńil bólingen. Baǵdarlama týraly tolyǵyraq jáne Astananyń EKSPO halyqaralyq kórmesine daıyndyǵy týraly elorda ákimdiginde ótken brıfıngte aıtyldy.
Qazaqstan Respýblıkasynyń Investısııalar jáne damý mınıstrliginiń ındýstrııa departamentiniń dırektory Marat Iǵalıev málimdegendeı, elordada týrıstik klasterdi damytýdyń perspektıvalary zor.
«2013 jyly Astanada EKSPO kórmesin ótkizýdi eskere otyryp 2017 jylǵa deıin týrızm salasyn damytýdyń sheberlik jospary ázirlengen bolatyn. Sondaı-aq, biz Astanada 2020 jylǵa deıin týrızmdi damytý tujyrymdamasyn tanystyrdyq, kelesi jyly qalanyń brendi tańdalady», - dep atap kórsetti Marat Iǵalıev.
18 jylda Astanada qonaq úıler sany 40 esege artqan, sheteldikterdiń qalaǵa kelýi 50 esege kóbeıgen, al ishki týrızm 43 ese ósken.
«Eger Astanany 1000 turǵynǵa shaqqanda keletin týrıster sany boıynsha salystyratyn bolsaq, biz Seýl, Stambýl sııaqty qalalarmen bir qatarda turmyz. Qalada bizge bolashaqta týrızmdi damytýǵa kómektesetin mańyzdy alǵysharttar bar. Biz iskerlik, oqıǵalyq jáne medısınalyq týrızmdi damytýǵa basymdyq bermekpiz. Qazir Astanada keń aýqymdy oqıǵalardy ótkizý úshin syıymdylyǵy ár túrli qurylystar jeterlik. Oqıǵalyq týrızmdi damytý úshin qajet negizgi jáne basymdyqty qadamdardyń biri MICE týrızm boıynsha iri halyqaralyq qaýymdastyqtarǵa kirý bolyp tabylady», - dedi Astana qalasynyń ınvestısııalar jáne damý basqarmasynyń basshysy Álisher Ábdiqadyrov.