Qazaqstandyq boksshy Genadıı Golovkın 2017 jyldyń alǵashqy kezdesýin Nıý-Iork qalasynda ótkizedi. Bul týraly Manchesterde ótken baspasóz konferensııasynda brıtandyq promoýter Eddı Hırn aıtty, dep habarlaıdy Vesti.kz.
Golovkın úshin aldaǵy judyryqtasý Madison Square Garden - da ótken besinshi kezdesý bolmaq. Ol bul alańda alǵash ret 2013 jyly 19 qańtarda amerıkalyq Gabrıel Rosadýmen bokstasqan. Odan keıin amerıkalyq Kertıs Stıvens, avtrııalyq Denıel Gıl, kanadalyq Davıd Lemeni jeńgen edi.
2017 jyly Golovkın tórt ret bokstasýdy josparlap otyr. Birinshi bolyp amerıkalyq Denıel Djeıkobs judyryqtasýy múmkin. Golovkınniń promoýteri Tom Lefflerdiń aıtýynsha, naqty aqparat jaqyn arada shyǵady. Al qazir boksshy Jordan kompanııasynyń is-sharasyna qatysýǵa Parıjge ketken bolatyn.