Aýdanymyzǵa qarasty Tereńkól aýyldyq okrýginiń ortalyǵy Nursaı aýylynyń turǵyndary el Táýelsizdiginiń 25 jyldyǵyna tartý bolǵan taǵy da bir qýanyshty sáttiń kýágeri boldy. Nursaılyqtardyń basyn aýyrtatyn máselege aınalǵan – Tereńkól orta mektebi. Bul bilim ordasy irge tasy qalanǵannan beri jóndeý kórmegen edi. Bıylǵy jyly kúrdeli máseleniń túıini sheshilip, «Jumyspen qamtýdyń jol kartasy-2020», «О́ńirlerdi damytý» baǵdarlamasy boıynsha oblystyq bıýdjetten 162 mln 636 myń teńge qarajat bólinip, Tereńkól orta mektebinde kúrdeli jóndeý jumystary aıaqtaldy. Jóndeý jumystaryn «Batys Stroı Servıs» JShS júrgizdi. Jóndeýden ótken mekteptiń ishi jyly jáne jaryq. Qazirgi zamanǵa saı jylytý júıesi men aýyz sý tartylǵan. Mektep janyndaǵy ınternattyń da jóndeý jumystary sapaly oryndalǵanyn baıqaýǵa bolady.
Kúrdeli jóndeýden ótken bul mektep bolashaqta oqýshylardyń sapaly bilim alýyna negiz bolatyny sózsiz.
Qaırat JAQYP
Batys Qazaqstan oblysy,
Qaztalov aýdany