Elordada eń iri muz aıdynynyń qurylysy men jańajyldyq merekelerge kóshelerdi bezendirý jumystary bastaldy, dep habarlady QazAqparat.
«Qysqy erteginiń» negizgi tujyrymdamasy retinde keler jyldyń basty nyshany – Taýyq qana emes, elimizdiń basty oqıǵasy – EKSPO kórmesi de bolmaq.
«Qazirgi tańda «Araı» saıabaǵynyń aýmaǵynda kólemi 5 myń sharshy metrdi quraıtyn 250 adamǵa arnalǵan muz aıdynynyń qurylysy bastaldy. Bul jerde konkıdi jalǵa berý orny, medısınalyq pýnkt, dámhana, radıohabarlaǵysh jáne LED-ekrandar ornalastyrylady. Budan bólek, balalarǵa arnalǵan syrǵanaıtyn tóbeshikter de ornatylady», – dedi Esil aýdany ákimdiginiń baspasóz hatshysy Jamal Ábikenova.
Muz aıdyndary qalanyń ózge eki aýdanynda da salynady. Olar shamamen 16 jeltoqsannan bastap jumys isteı bastaıdy.
Astana qalalyq Mádenıet basqarmasynan habarlaǵandaı, elordada Jańa jyl merekesine oraı barlyǵy 17 shyrsha ornatylyp, tórt muz qalashyǵy boı kóteredi. Bir ǵana Esil aýdany men Úrker, Qalamańy turǵyn alqaptarynda 10 jańajyldyq shyrsha ornatý josparlanǵan.
Aıta keteıik, bıyl elimizdiń basty shyrshasy «Han Shatyr» SOSO mańyna ornatylatyn bolady. Osynda sondaı-aq, tórt muz qalashyqtarynyń biri salynady.