Saýda-ekonomıkalyq, ǵylymı-tehnıkalyq, mádenı yntymaqtastyq jónindegi Qazaqstan-Brıtan úkimetaralyq komıssııasynyń otyrysy aıasynda Qyzylorda oblysynyń ákimi Qyrymbek Kósherbaev pen EQDB Prezıdenti Sýma Chakrabartı myrza Qyzylorda qalasynyń jylýmen qamtamasyz etý júıesin qaıta jańǵyrtý jáne qurylysyn qarjylandyrý, sondaı-aq, Qyzylorda oblysynyń elektrmen qamtamasyz etý júıelerin qaıta jańǵyrtý máseleleri boıynsha kelissózder júrgizdi.
Kezdesý barysynda Qyzylorda qalasyndaǵy áýejaıdyń jańa jolaýshylar termınalynyń qurylysy, «Qyzylorda qalasynyń kóshelerin jaryqtandyrý» jobasyn júzege asyrý jáne «Qyzylorda-Jezqazǵan-Qaraǵandy» tas jolyn qaıta jóndeýden ótkizý máseleleri talqylandy.
Jalpy EQDB-men yntymaqtastyq aıasynda Qyzylorda oblysyndaǵy jalpy somasy 250 mlrd. teńgeni quraıtyn 10 joba kelisildi. Onyń beseýi jolaýshylar tasymaly júıesin jańǵyrtý, oblys ortalyǵyndaǵy kommýnaldyq ınfraqurylymdy keńeıtý jáne avtomattandyrýǵa baǵyttalǵan jobalar iske asyrylýda, olar kommýnaldyq jelilerdiń tozýyn jáne jylý, elektr energııasy, sýdyń shyǵynyn azaıtýǵa múmkindik beredi. Avtomattandyrylǵan basqarý júıesiniń kómegimen sý jáne energetıkalyq resýrstardyń shyǵyny baqylaýǵa alynady.
Budan bólek, aǵymdaǵy jyldyń 31 qazanynda Qyzylorda oblysynyń ákimdigi, Qyzylorda qalasy ákimdigi, Evropa qaıta qurý jáne damý banki jáne «Qyzylorda tazalyǵy» JShS arasynda «Qyzylorda qalasyndaǵy turmystyq qatty qaldyqtardy óńdeý» jobasyn iske asyrý jónindegi kelisimge qol qoıyldy. Atalmysh joba qalanyń sanıtarlyq jaǵdaıyn jaqsartýǵa, topyraq, parnıktik gaz, jerasty jáne jerústi sýynyń lastanýyn azaıtýǵa múmkindik beredi. Bolashaqta bıogazdan ekologııalyq taza elektr jáne jylý energııasyn alý josparlanýda.